ಕನಸೂರು Blog

Weather is super-hot from last 7-8 months. In chennai one can only see  three seasons.  One is Winter-Hot, Spring-Hotter and Summer-Hottest.
Today is the season of Spring-Hotter but raining heavily because of Cyclone Laila .

Prasad, the Tekki guy is shouting at the Rain. Knotted his shoe lase.

Prasad is constantly getting call from his Boss.
' I have done my Electrical engineering from reputed college. That  was my dream college and  THE DREAM COURSE indeed. 

But now writing holy-banking-software for  an English people. They are controlling me and my machine remotely from London.
I feel it is a modern slavery. 

' We are 5 n half hour ahead.  They screws me
till mid night. But My local Boss is calling from
early in the morning. They work in  their time slots but expects us to work in common time as well.'    

'But, Today!! How can I goto work..? look at the road.  wow!! BTW Where is road. ? full of water. guys!! please shut-down all the motor-vehicles and start providing some b…

ಹೂನವಿಲೆಯ ಹ೦ತಕ

‘ ನಾಯಿಗಳು ಬೂದಿ ಮೇಲೆ ಮಲಗಿರುವಾಗ, ಹಿಂದಿನ ಜನುಮ ನೆನಪಾಗುತ್ತೆ. ಅದಕ್ಕೆ ಮಂಕಾಗಿ
ಕಾಣುತ್ತವೆ.’ ದೆವ್ವ ಭೂತದ ಕಥೆ ಸಾಕೆನಿಸಿ, ಪುವರ್ಜನ್ಮದ ಎಳೆಯೊಂದನ್ನು ಬಿಡಿಸಿಟ್ಟಳು
ಅಜ್ಜಿ. ಬೆಂಬಿಡದೆ ಬಾರಿಸುತ್ತಿದ್ದ ಮಳೆಯ ಕಾರಣದಿಂದ ಸ್ಕೂಲಿಗೂ ರಜೆ ಕೊಟ್ಟಿದ್ದರು.
ಸರಿ ಹಾಗಾದರೆ, ನೋಡಿಯೇ ಬಿಡುವ ಎಂದು ನನ್ನ ಕಿಲಾಡಿ ಕಂತ್ರಿ ನಾಯಿ ಜಿಮ್ಮಿಯನ್ನು
ಹಿಡಿದು ತಂದೆ. ಅಡಿಕೆ ಒಲೆಯ ಜಾಲರಿಯನ್ನು ಎತ್ತಿ; ಬೂದಿ ಹೊರ ಎಳೆದು; ಬೂದಿಯ ಮೇಲೆ
ಜಿಮ್ಮಿಯನ್ನು ಮಲಗುವಂತೆ ಸೂಚಿಸಿದೆ. ಅಡಿಕೆ ಬೇಯಿಸುವ ಬೃಹತ್ ಒಲೆಯ ಗೂಡಿನಲ್ಲಿ ಮೂರು
ಸುತ್ತು ಹಾಕಿದವನೆ ಬಿದ್ದುಕೊಂಡ. ಮಲಗುವ ವಿಷಯದಲ್ಲಿ ಎಂದಿಗೂ ಮೀನ-ಮೇಷ ಎಣಿಸುವನಲ್ಲ
ನನ್ನ ಜಿಮ್ಮಿ. ಸ್ವಲ್ಪ ಹೊತ್ತಿನಲ್ಲಿಯೇ ಗಾಢ ನಿದ್ರೆಗೆ ಜಾರಿದ.

ನಾಯಿಗಳಿಗೂ ಕನಸು ಬೀಳುತ್ತದಾ. ? ಹಿಂದಿನ ಜನುಮ ನೆನಪಾಗುತ್ತದಾ. ? ನೆನಪಾದರೂ ಜಿಮ್ಮಿ
ನನ್ನ ಬಳಿ ಹೇಳಿಕೊಳ್ಳುವನಾ. ಹತ್ತಿರದಲ್ಲಿಯೇ ಪರಿಶೀಲಿಸುತ್ತಾ ಕುಳಿತಿದ್ದೆ. ಮೈ
ಸೆಟೆದುಕೊಂಡು, ತನ್ನ ನಾಲ್ಕೂ ಕಾಲುಗಳನ್ನು ಮೇಲೆತ್ತಿ, ಮೂತಿ ಸೊಟ್ಟ ಮಾಡಿಕೊಂಡು,
ಇಹ-ಪರದ ಪರಿವೆಯೇ ಇಲ್ಲದಂತೆ ಮಲಗಿದ್ದ ಜಿಮ್ಮಿಯ ಭಂಗಿಯು, ಏನನ್ನೋ ಕಂಡು ಹಿಡಿಯಲು
ಕುಳಿತಿದ್ದ ನನ್ನನ್ನು ಅಣಕಿಸಿದಂತಾಯಿತು. ‘ ಥೂ. ಥ್ ಬಡ್ದಿ-ಮಗಂದು. ಯಾವ ಜನುಮದ
ರಹಸ್ಯಾನೂ ಇಲ್ಲ, ಮಲೆನಾಡಿನ ಚಳಿಗೆ ಬೂದಿ ಮೇಲೆ ಬಿಸಿ-ಬಿಸಿ ನಿದ್ದೆ ಹೊಡಿತಿದೆ
ಅಷ್ಟೆ!! ’ ಬಯ…

ಘಂಟೆ ರಾತ್ರಿ ಹತ್ತು ಬಾರಿಸುತ್ತಿತ್ತು. ಊರೆಲ್ಲಾ ಮಲಗಿದ ಮೇಲೆ, ಗಡಿಯಾರ
ಕ್ಲಿಕ್-ಕ್ಲಿಕ್-ಕ್ಲಿಕ್ ಗಲಾಟೆ ಆರಂಭಿಸಿತು. ತಲೆಯಲ್ಲಿ ನೂರೆಂಟು ದ್ವಂದ್ವಗಳು. ಅರೆ
ಒಂದು ಹಕ್ಕಿ ಕೂಡ ತನ್ನ ಮರಿಗೆ ರೆಕ್ಕೆ ಬಲಿಯುವವರೆಗೂ ಗೂಡಿನಲ್ಲಿ ಕೂಡಿಹಾಕಿಕೊಂಡು
ಗುಟುಕು ಕೊಡುತ್ತದೆ, ನಂತರ ಹಾರಲು ಬಿಡುತ್ತದೆ.

ಅಂಥಹದರಲ್ಲಿ ರೆಕ್ಕೆ ಮೂಡಿ ವರುಷಗಳು ಕಳೆದರೂ ನನ್ನನ್ನು ಹಾರಲು ಬಿಡಲಿಲ್ಲವೇಕೆ.? ಅರೆ
ಮನುಷ್ಯರು ಎನಿಸಿಕೊಂಡ ಅಪ್ಪ-ಅಮ್ಮಗಳು ತಮ್ಮ ಮಕ್ಕಳನ್ನು ನೋಡಿಕೊಂಡಿದ್ದರಲ್ಲಿ, ಆರೈಕೆ
ಮಾಡಿದ್ದರಲ್ಲಿ ವಿಶೇಷತೆ ಏನಿದೆ. ? ಎಲ್ಲಾ ಅವರವರ ಕೆಲಸ ಮಾಡುತ್ತಿದ್ದಾರೆ. ಅದೇನೋ
ನಮಗಾಗಿ ತಮ್ಮ ಜೀವನವನ್ನೇ ಸವೆಸುತ್ತಿರುವಂತೆ ಪೋಸು ಕೊಡುವರಲ್ಲ.. ವಿಪರ್ಯಾಸ

ಹತ್ತನೇ ಕ್ಲಾಸ್ ಪರೀಕ್ಷೆ ಮುಗಿದು, ಬೇಸಿಗೆ ರಜೆ ಪ್ರಾರಂಭವಾಗಿತ್ತು.ಗುಳ್ಳ ಮತ್ತು
ಕೋಳಿ ಹರಳಿಮರದ ಕಟ್ಟೆಮೇಲೆ ಕುಳಿತು, ಚೌಕಾಬರ ಆಡುತ್ತಿದ್ದರು.

ಕೋಳಿಯ ಮೂಲನಾಮಧೇಯ ಚಿದಾನಂದ.ಆದರೆ ತುರ್ತು ಪರಿಸ್ಥಿತಿಗಳಲ್ಲಿ ಚಿದು ಧೈರ್ಯಗೆಟ್ಟು
ಕಾಲು ನಡುಗಿಸುವನು.ಗಂಡಸರು ಕೋಳಿ ಕಾಲು ತಿಂದರೇ ಹಿಂಗಾಗುತ್ತೆ ಅಂತ ಪ್ರತೀತಿ ಇದೆ.
ಆದ್ದರಿಂದಲೇ ಚಿದಾನಂದನಿಗೆ ಕೋಳಿಕಾಲು ಎಂಬ ಅನ್ವರ್ಥನಾಮ ಅಂಟಿಕೊಂಡಿತ್ತು. ಕೋಳಿ, “
ಗುಳ್ಳಾ ಅಂತೂ ಹತ್ತನೆ-ಕ್ಲಾಸು ಮುಗಿದೇ ಹೋಯ್ತಲ್ಲೋ..?. ಮುಂದೆ ಕಾಮರ್ಸ್ ತಗೋಬೇಕು
ಅಂತಿದ್ದೀನಿ.” ಅಂದ ಕಾಲೇಜ್ ಕ್ಯಾಂಟಿನುಗಳಲ್ಲಿ, ಪಾರ್ಕುಗಳಲ್ಲಿ ಹುಡುಗ-ಹುಡುಗಿಯರ
ಸಲುಗೆಯ ನಡೆ-ನುಡಿಗಳು ಅವನ ಮನದಲ್ಲಿ ಹುಚ್ಚು ಫ್ಯಾಂಟಸಿಯನ್ನು ಸ್ರುಷ್ಟಿಸಿದ್ದವು.
ಕಾಲೇಜು ಸೇರಿದಾಕ್ಷಣ ಸರಸ-ಸಲ್ಲಾಪಗಳು ಕಾಂಪ್ಲಿಮೆಂಟರಿಯಂತೆ ಮತ್ತು ಹಚ್ ನಾಯಿಯಂತೆ
ಹಿಂಬಾಲಿಸುತ್ತವೆಂದು ಭಾವಿಸಿದ್ದ.

" ಅವನ ಕಣ್ಣುಗಳು ತುಂಬಿ ಬಂದವು. ಗೊಡ್ಡು ಮುದುಕನ ಮುಂದೆ ನಿಂತು ಆನಂದಬಾಷ್ಪ
ಹರಿಸುತ್ತಿದ್ದಾನೆ. ದಶಕಗಳಿಂದಲೂ ಈ ಮುದುಕನ ಮುಖ ನೋಡಿರಲಿಲ್ಲ.ಯಾರೋ ಹೇಳಿದ್ದರು ಈತ
ಸತ್ತು ಹೋಗಿದ್ದಾನೆಂದು.ಆದರೆ ಈ ಮುದುಕ ರಿನ್-ಪಾಸ್ ಆಸ್ಪತ್ರೆಯಲ್ಲಿ ಅಷ್ಟು
ವರುಷಗಳಿಂದಲೂ ಬದುಕೇ ಇದ್ದಾನೆ. ಯಾರೋ ಹೇಳಿದ ಸುಳ್ಳಿನಲ್ಲಿ ಸತ್ಯವೂ
ಇತ್ತೆನ್ನಿ.ಯಾಕಂದ್ರೆ ಹುಚ್ಚು ವಾಸಿಯಾದ ಮೇಲೂ , ರೋಗಿಯೊಬ್ಬ ದಶಕಗಳ ಕಾಲ
ಹುಚ್ಚಾಸ್ಪತ್ರೆಯಲ್ಲಿಯೇ ಜೀವಂತ ಕೊರಡಾಗಿ ಉಳಿದಿದ್ದಾನೆಂದರೆ... ಯಾವ ಆಧಾರದ ಮೇಲೆ
ಬದುಕಿದ್ದಾನೆ ಎನ್ನುವುದು.ಅಲ್ಲವೇ..? "

**ಅರ್ಪಣೆ**

`ಕೈ-ಕಾಲು ;
 ಕಿವಿ-ಕಣ್ಣು ;
 ಹಾರ್ಟು-ಕಿಡ್ನಿ ;
 ಬ್ರೇನೋ-ಲಿವರ್ರೋ…. ಏನನ್ನಾದರೊಂದು ಕಳೆದುಕೊಂಡು ಹುಟ್ಟುವ ಮತ್ತು ಹುಟ್ತಾನೆ
ಧಾರಿದ್ರ್ಯವನ್ನ ತರುವ ಆ ಮಕ್ಕಳನ್ನು;
 ತನಗರಿವಿಲ್ಲದೆ ಭೂಮಿಗೆ ಸಾಗಿಸುವಳು.

ಆಮೇಲೆ!! ಜನುಮ ನೀಡಿದ ಕರ್ಮಕ್ಕೋ;
 ತಾಯ್ತನದ ಮರ್ಜಿಗೋ;
 ಅಥವಾ ಹೆಣ್ತನದ ರಾಜಿಗೋ ಕಟ್ಟು ಬೀಳುವಳು;
 ಮೊಲೆ-ಹಾಲಿನೊಂದಿಗೆ ಮಮತೆ-ಮಮಕಾರಗಳನ್ನು ಉಣಿಸಿ;
 ಕೈ-ತುತ್ತಿನೊಂದಿಗೆ “ ನಿಂಗೇನಾದರೂ ಜೊತೆಯಲಿ ನಾನಿರುತ್ತೇನೆ ” ಅನ್ನೋ ಆತ್ಮವಿಶ್ವಾಸದ
ಟಾನಿಕ್ಕು ಕುಡಿಸಿ;
 ಸ್ವಂತ ಆಸೆ, ಬಯಕೆ, ಬೇಕು-ಬೇಡಗಳನ್ನು ತಿಪ್ಪೆಗೆ ಎಸೆದು, ಮಗುವನ್ನು!!! ಕೊನೆವರೆಗೂ
ಮಗುವಿನಂತೆಯೇ ಕಣ್ಣಳತೆಯಲ್ಲಿಟ್ಟುಕೊಂಡು;
 ಲಾಲಿಸಿ!! ಪಾಲಿಸಿ!! ಪೋಷಿಸಿ!!. ಮಗುವಿನ ನಗುವಿನಲ್ಲಿಯೇ ಜೀವನ ಸಾರ್ಥಕ್ಯ ಕಾಣುವ…
 **ವಿಕಲಾಂಗ ಮಕ್ಕಳನು ಹೆತ್ತ, ವಿಶೇಷ ಅಮ್ಮಂದಿರಿಗೆ ಮತ್ತು ಆ ವಿಶೇಷ ಮಕ್ಕಳಿಗೆ**
ನನ್ನ ಈ ಪುಟ್ಟ ಕಥೆಯನ್ನು ತುಂಬಿದ ಕಣ್ಣುಗಳಿಂದ, ಪ್ರೀತಿಯಿಂದ ಅರ್ಪಿಸುತ್ತಿದ್ದೇನೆ.`

1.  [ಹೋಳಿಗೆ ಮಾಡಿಟ್ಟು, ಕಾಯುತ್ತಾ]
2.  [ಪಯಣ; ಸಂಜೀವಿನಿಯ ಕಡೆಗೆ]
3.  [ಸುಬ್ಬಿಯ ಅನುರಾಗ ಮತ್ತು ಅನುಕಂಪ]
4.  [ಮುಂದುವರೆದ ಸಂಜೀವಿನಿಯ ಹುಡುಕಾಟ]
5.  [ಹೋಳಿಗೆ ಊಟ]
6.  [ಮುಗಿದ ಮಾತುಗಳು]
7.  [ಬರೆದವನ ಸ್ವಗತ]
8.  [ನುಡಿ ನಮನ]

### 1. ಹೋಳಿಗೆ ಮಾಡಿಟ್ಟು, ಕಾಯುತ್ತಾ

> “ ಅಮ್ಮಾ!! ಅವಳ ಹುಟ್ಟುಹಬ್ಬಕ್ಕಾದರೆ ಪಾಯಸ ಮಾಡ್ತೀಯ. ಆದರೆ ಪ್ರತಿ ಸಾರಿ ನನ್…

ಭಾನುವಾರ ಸಂಜೆ ಆಗುವ ಹೊತ್ತಿಗೆ, ವಿಲವಿಲನೆ ಮನಸ್ಸು ಹೊಯ್ದಾಡುತ್ತಿರುತ್ತದೆ. ಒಂಥರಾ
ಅಪೂರ್ಣತೆಯ ಅನುಭವ. ‘ಅಯ್ಯಯ್ಯೋ ನಾಳೆ ಮತ್ತೆ ಕೆಲಸಕ್ಕೆ ಹೋಗಬೇಕು’. ಎರಡು ದಿನ ರಜೆ
ಸರಿಯಾಗಿ ಬಳಸಿಕೊಳ್ಳೋಕಾದೇ.. ದಿನವಿಡಿ ಮನೆಯೊಳಗೆ ಮಲಗಿದ್ದೇ ಆಗಿತ್ತು. ಈ
ಬಿಸಿಲೂರಿನಲ್ಲಿ ಹಗಲೊತ್ತಿನಲ್ಲಿ ಮನೆಯಿಂದ ಹೊರಬೀಳಲು ಮೋಟಿವೇಷನ್ ಆದರೂ ಎಲ್ಲಿಂದ
ಬರಬೇಕು..? ರೂಮ್ ಮೇಟ್ ಗಳಾದ ಜಾಕ್ಸನ್ ಮತ್ತು ಮೂರ್ತಿ ಇಬ್ಬರೂ ನನ್ನಂತೆ ವೀಕೆಂಡ್
ಅತೃಪ್ತಿ ಖಾಯಿಲೆಯಿಂದ ನರಳುತ್ತಿದ್ದರು.

‘ಎಂತ ಸಾವುದು ಮಾರಾಯ. ಭಾನುವರಾನೂ ಹಂಗೇ ಖಾಲಿ ಖಾಲಿ ಹೋಗ್ತಾ ಉಂಟು. ಎಂತದಾದ್ರು
ಮಾಡ್ಬೇಕು’ ಜಾಕಿ ಗೊಣಗಿದ.

‘ ನನ್ನ ಹತ್ರ ಒಂದು ಮೆಗಾ-ಪ್ಲಾನ್ ಇದೆ. ಇಲ್ಲಿಂದ 15-20 ಕಿಲೋಮೀಟರು ದೂರದಲ್ಲಿ
ವನಲೂರು ಅನ್ನೋ ಊರಿದೆ. ಅಲ್ಲಿ ಟೆಂಟ್ ಸಿನಿಮಾ ಮಂದಿರ ಇರೋದನ್ನ ಬಸ್ಸಲ್ಲಿ ಹೋಗುವಾಗ
ನೋಡಿದ್ದೆ. ಟೆಂಟ್-ನಲ್ಲಿ ಸೆಕೆಂಡ್ ಶೋ ಸಿನಿಮಾ ನೋಡುವುದು ‘Just for a change’
ಅನುಭವ. ನಾನು ಮೈಸೂರಿನಲ್ಲಿದ್ದಾಗ ಮಾರುತಿ ಟೆಂಟ್ ಗೆ ಹಲವಾರು ಬಾರಿ ಹೋಗಿದ್ದೇನೆ.
ಮಸ್ತ್ ಥಿಯೇಟ್ರಿಕಲ್ ಫೀಲ್ ಇರತ್ತೆ. ‘ ಎಂದೆ.

ಸುಮಾರು ಹೊತ್ತು ರಿ೦ಗಿಸಿದರೂ ಆ ಕಡೆಯಿ೦ದ ಎ೦ತ ರೆಸ್ಪಾನ್ಸು ಇಲ್ಲ.. ನನಗೂ ಸಾಕಾಗಿ ಹೋಯ್ತು.. ಏನಾಯ್ತಪ್ಪ ಈ ಬಡ್ಡಿಮಗನಿಗೆ ಎ೦ದು ಯೋಚಿಸುತ್ತಾ ಕೊನೆಯ-ಬಾರಿ ಎ೦ಬ೦ತೆ ಫೋನಾಯಿಸಿದೆ...
" ಲೋ.. ಏನೋ... ನಿ೦ದು ಸಮಸ್ಯೆ ..,ಒ೦ದೇ-ಸಮ ಕಾಲ್ ಮಾಡ್ತಿದೀಯ. ನಾ..ನ್ ರೌ೦ಡ್ಸ್ ಮೇಲಿದ್ದೇನೆ. ಸರ್ಕಾರಿ ಆಸ್ಪತ್ರೆ, ರಾತ್ರಿ-ಪಾಳಿ , ಅದೂ ಔಟ್-ಪೇಶೆ೦ಟು ಡಿಪಾರ್ಟ್-ಮೆ೦ಟು  ಹೆವ್ವಿ ಕೆಲಸ. ಇನ್ನೊ೦ದ್ ಸ್ವಲ್ಪ-ಹೊತ್ತು ಬಿಟ್ಟು ಫೋನ್ ಮಾಡೋ.. ಕಷ್ಟ-ಸುಖ ಮಾತಾಡೋಣ.." ಎ೦ದು ಒ೦ದೇ ಉಸಿರಿಗೆ ಹೇಳುತ್ತಾ .., ನನ್ನ ಪ್ರತಿಕ್ರಿಯೆಗೂ ಕಾಯದೆ ಕರೆ-ಕತ್ತರಿಸಿದ.


ನಾವು ಖಾಲಿ- ಇದೇವೆ ಅ೦ದ್ರೆ. . . ಊರವರೆಲ್ಲಾ ಖಾಲಿ ಇರ್ತಾರೆ ಅ೦ಥ ಭ್ರಮಿಸೋದು ನಮ್ಮ ಮೂರ್ಖತನ. ಇರಲಿ!! ಇವನು ನನ್ನ ವೈದ್ಯ-ಮಿತ್ರ ಚ೦ದ್ರು. ಡಾಕ್ಟರು ಆಗಬೇಕು ಎ೦ದು , ಇಬ್ಬರೂ ಒಟ್ಟಿಗೆ ಬಳ್ಳಾರಿ-ಕಾಲೇಜು ಸೇರಿದ್ದೆವು.ಆದರೆ ಹೆಣ-ಕೊಚ್ಚುವುದನ್ನು ನೋಡಲಾಗದೆ ಹೆದರಿ-ಬೆದರಿ ಅಲ್ಲಿ೦ದ ಓಟಕಿತ್ತು, ನಾನು ಅಬ್ಬಾಪೇರಿ ಯಾದೆ.ಅವನು ಎಲ್ಲರ೦ತೆ ಡಾಕ್ಟರಾದ.
ಆಗಲೆ ರಾತ್ರಿ ಹನ್ನೊ೦ದು ಬಾರಿಸುತ್ತಿತ್ತು. ನನ್ನ ರೂಮ್-ಮೇಟು ಇನ್ನೂ ಕೆಲಸದಿ೦ದ ಬ೦ದಿರಲಿಲ್ಲ.ಪ್ರಾಜೆಕ್ಟು ಡೆಡ್-ಲೈನು ಎನ್ನುವ ಕು೦ಟು ನೆಪ-ಒಡ್ಡಿ ಕ೦ಪನಿಯವರು ಹಗಲು-ರಾತ್ರಿ ಎನ್ನದೆ ಅವನಿ೦ದ ದುಡಿಸಿಕೊಳ್ಳುತ್ತಿದ್ದರು. ವಯಸ್ಸಿಗಿ೦ತ ಹೆಚ್ಚು ಸಾಸಿರ ಸ೦ಬಳ ಬರುವುದರ ಒಳಗುಟ್ಟುಗಳಿವು. ಸ೦ಕೀರ್ಣ ಸಮಾಚಾರವೊ೦ದು ತಲೆಯಲ್ಲಿ ಕೊರೆಯ…

‘ಹೆಬ್ಬಂಡಿ ತೋಟಕ್ಕೆ ಹೋಗೋಣ ಬಾರೋ. ಆ ದೆವ್ವದ ನೆರಳೆ ಮರದಲ್ಲಿ ಸಖತ್ತಾಗಿ ಹಣ್ಣು
ಬಿಟ್ಟಿದೆಯಂತೆ.’
 ಸೀನ ತನ್ನ ಲಟ್ಕಾಸಿ ಸೈಕಲ್ ಅಲ್ಲಾಡಿಸುತ್ತಾ ಕೂಗಿದ.

‘ಹೌದೇನೋ…? ಮನೇಲಿ ಕೇಳುದ್ರೆ, ಬಯ್ತಾರೆ. ನೆನ್ನೆ ಮಳೆ ಬೇರೆ ಬಂದಿದೆ. ಕೊಂಬೆಗಳ ಮೇಲೆ
ಕಾಲಿಟ್ರೆ ಜಾರುತ್ತೆ.’

ಹಣ್ಣಿನ ಆಸೆ ಇದ್ದರೂ, ಸರಿಯಾಗಿ ಮರ-ಹತ್ತಲು ಬರದ ಅರೆ-ಹಳ್ಳಿಗನಾದ್ದರಿಂದ, ಸತ್ಯವನ್ನು
ಮರಮಾಚಿ ಹೇಳಿದೆ.

‘ನಿನಗ್ಯಾವನೊ ಮನೇಲಿ ಹೇಳಿ ಬಾ ಅಂದವನು. ಈಗೇನು ಬರ್ತೀಯೊ, ಇಲ್ವೋ..? ಅಷ್ಟು ಹೇಳು.
ನಾನಂತೂ ಹೋಗ್ತಿದೀನಿ ’
 ಪೆಡಲ್ ತುಳಿಯುತ್ತಾ, ಹೊರಡಲು ಅಣಿಯಾದ. ಥೂ. ಥ್!! ಹಾಳಾದವನು, ಸುಮ್ಮನೆ ಕೂತವನಿಗೆ
ರಸಪೂರಿ ನೇರಳೆಗಳ ಕನಸು ಹುಟ್ಟಿಸಿ, ಈಗ ಕಡೆಗಣಿಸಿ ಹೋಗುತ್ತಿರುವನು. ಆಮೇಲೆ ಅವನ ಮುಂದೆ
ಹೋಗಿ ಹಣ್ಣಿಗಾಗಿ ಹಲ್ಲು-ಗಿಂಜುವ ಹಾಗಿಲ್ಲ.

‘ ಲೋ. , ಸೀನ ಬರ್ತೀನ್ ತಡಿಯೋ. “ ಓಡುತ್ತಾ ಹೋಗಿ, ನೆಗೆದು ಕ್ಯಾರಿಯರ್ ಮೇಲೆ ಕುಳಿತೆ.

ಹತ್ತು-ಇಪ್ಪತ್ತು ಅಡಿಯವರೆಗೂ ಮಳ್ಳನಂತೆ ಸೀದಾ ಉದ್ದಕ್ಕೆ ಬೆಳೆದು, ನಂತರ ಕೊಡೆಯನ್ನು
ಅಗಲಿಸಿದಂತಿತ್ತು ನೇರಳೆ ಮರದ ರೆಂಬೆಕೊಂಬೆಗಳು. ಆ ಮರವನ್ನು ಕಂಡು ತಲೆ ಕೆಟ್ಟಿತು. ಇದು
ಮರ-ಹತ್ತಲು ಬರದವರಿಗೆ ತೀರಾ ಪ್ರತೀಕೂಲ ವಾತಾವರಣ.

‘ ಫುಲ್ ಹಣ್ಣು ತರೆಯುವವರೆಗೂ, ಇಬ್ಬರೂ ತಿನ್ನಿವಂತಿಲ್ಲ. ಎಲ್ಲಾ ಮುಗಿದ ಮೇಲೆ
ಇಬ್ಬರಿಗೂ ಸಮಪಾಲು. ತರಲೆ-ಗಿರಲೆ ಮಾಡಂಗಿಲ್ಲ.’
 ಪಾರ್ಟ್-ನರ್ ಶಿಪ್ ವ್ಯವಹಾರಕ್ಕೆ ಮುಂಚೆ ತನ್ನ terms ಅಂಡ್ condition ಗಳನ್ನು
ಬಿಡಿಸಿ…

'ಜನನ ಪ್ರಮಾಣ ಪತ್ರ' ಪಡೆಯಲು ಕೋರ್ಟಿಗೆ ಅರ್ಜಿ ಹಾಕಿ ತಿಂಗಳುಗಳೇ ಕಳೆದಿದ್ದವು. ನೋಟರಿ
ಸರೋಜಮ್ಮ ರನ್ನು ಕಂಡು 'ನಾನು ಹುಟ್ಟಿರುವುದು ಸತ್ಯ ಎಂದು ಇರುವಾಗ,  ಎಲ್ಲೋss ಒಂದು
ಕಡೆ ಜನನ ಆಗಿರಲೇಬೇಕಾಗಿಯೂ,  ಸೊ ಅದನ್ನು  ಪರಿಗಣಿಸಿ ದಾಖಲೆ ಒದಗಿಸಬೇಕಾಗಿಯೂ '
ಕೇಳೋಣವೆಂದು ಹೊರಟೆ.

1995ಮಾಡೆಲ್ ಸುಜುಕಿ ಬೈಕು ಹತ್ತಿ ಕಿಕ್ಕರ್ ನ ಮೇಲೆ ಕಾಲಿಡುತ್ತಿದ್ದಂತೆ -
' ರಸ್ತೆ ಮೇಲೆ ನಿಧಾನಕ್ಕೆ ಓಡಿಸೊ.  ಮಕ್ಳು-ಮರಿ ಓಡಾಡ್ತಿರ್ತವೆ ' ಕೀರಲು ಧ್ವನಿಯೊಂದು
ಒಳಗಿನಿಂದ ಕೇಳಿಸಿತು.

ಬ್ರೇಕ್ ನ ಮೇಲೆ ಹತ್ತಿ-ನಿಂತರೂ ಬೈಕ್ ನಿಲ್ಲುವುದು ಕಷ್ಟಸಾಧ್ಯ.  ಅಷ್ಟೋಂದು ಕಂಡೀಶನ್
ನಲ್ಲಿರುವ ಬೈಕನ್ನು,  ವೇಗವಾಗಿ ಓಡಿಸಲು ಮನಸ್ಸಾದರೂ ಬರುತ್ತದೆಯೆ. ? ರಸ್ತೆಯ
ಅಕ್ಕ-ಪಕ್ಕ ದಲ್ಲಿ ಓಡಾಡುವ ಜನಗಳ ಮನಸ್ಥಿತಿಯನ್ನು ಅಭ್ಯಾಸ ಮಾಡುತ್ತಾ,  ಗಾಡಿ
ಓಡಿಸಬೇಕು.  ಅವರು ಅಡ್ಡ-ಬರುವುದನ್ನು ಮೊದಲೇ. , ಊಹಿಸಿ ಸ್ವಲ್ಪ ದೂರದಿಂದಲೇ
ಬ್ರೇಕು-ಕಾಲು ಉಪಯೋಗಿಸಿ,  ಬೈಕು ನಿಲ್ಲಿಸಬೇಕು.  ಹಾರನ್ನು ಇಲ್ಲದಿರುವುದರಿಂದ
ಕ್ಲಚ್-ಹಿಡಿದು ಅಕ್ಸಿಲರೇಟರ್ ರೈಸ್  ಮಾಡಿ ಬರ್-ರ್-ರ್sssss ಎಂದು ಶಬ್ದ ಮಾಡುತ್ತಾ
ದಾರಿ ಬಿಡಿಸಿಕೊಳ್ಳಬೇಕು.

ಬೈಕ್-ಸ್ಟಾರ್ಟ್ ಮಾಡಿ ಮನೆಯಿಂದ ನೂರು-ಗಜ ಕೂಡ ಮುಂದೆ ಬಂದಿರಲಿಲ್ಲ,  ಅಂಗಡಿ-ಲಕ್ಕಮ್ಮ
ತಾನೂ ಕೂಡ ಮೇನ್-ರೋಡಿನ ವರೆಗೂ ಬೈಕಿನಲ್ಲಿ ಬರುತ್ತೇನೆಂದು, ಹಲ್ಲು-ಬಿಡುತ್ತಾ ತನ್ನ
ಇಚ್ಛೆಯನ್ನು ತಿಳಿಸಿದಳು.
' ಹಿಂದಿನ ಗಾ…

ಬೂಟು ಪಾಲೀಶ್ ಮಾಡಿ, ಇಸ್ತ್ರಿ ಹಾಕಿದ ಬಟ್ಟೆ ತೊಟ್ಟು ಆಫೀಸಿಗೆ ಹೊರಟೆ. ‘ಇವತ್ತಾದರು
MTC ಬಸ್ಸಿನಲ್ಲಿ ಸೀಟು ಸಿಗಬಹುದು’ ಎಂಬ ಆಸೆ ಇತ್ತು. ರಸ್ತೆಯಲ್ಲೆಲ್ಲಾ ನಿಂತ-ನೀರಲ್ಲಿ
ಅಲ್ಲಲ್ಲಿ ಉದ್ಬವವಾಗಿದ್ದ ಕಲ್ಲುಗಳ ಮೇಲೆ ಕಾಲಿಟ್ಟು, ಜಿಗಿಯುತ್ತಾ ಬೂಟ್ಸು ನೆನೆಯದಂತೆ
ಕೃತಕ ಕೆರೆಯನ್ನು ದಾಟಿದೆ. ಬೆಳಗಿನ ತಿಂಡಿಗಾಗಿ ಹೋಟೆಲಿನ ಕಡೆ ಮುಖ ಮಾಡಿದೆ. ತೂಡೆ
ಕಾಣಿಸುವಂತೆ ಲುಂಗಿಯನ್ನು ಮೇಲೆತ್ತಿಕೊಂಡು, ಸಪ್ಲೈಯರು ಬಕೇಟು-ಸೌಟು ಹಿಡಿದು ಅತ್ತಿತ್ತ
ತಿರುಗಾಡುತ್ತಿದ್ದ. ಉಪಹಾರದ ಮನಸ್ಸಾಗದೆ ಮಂಗಳ ಹಾಡಿ ಅಲ್ಲಿಂದ ಹೊರಟೆ.

ರಸ್ತೆಯ ಮಗ್ಗುಲಲ್ಲಿಯೇ ಕೋಳಿ-ಸಾಗಿಸುವ ಲಾರಿಯಿಂದ ಬರುತ್ತಿದ್ದ, ಸುವಾಸನೆಯ ನೆರಳಲ್ಲಿ,
‌ಯಾತ್ರಿ-ಸಮೂಹ ತಮ್ಮ ತಮ್ಮ ನಂಬರಿನ ಬಸ್ ನಿರೀಕ್ಷೆಯಲ್ಲಿ ನಿಂತಿದ್ದರು. ದೇವರು ಕೊಟ್ಟ
ವಾಸನಾ-ಗ್ರಂಥಿಯನ್ನು ಶಪಿಸುತ್ತಾ, ಬಸ್ ಸ್ಟಾಪಿನಲ್ಲಿ ಅವರನ್ನು ಕೂಡಿಕೊಂಡೆ. ಬಸ್
ಸ್ಟಾಪಿನ ಎದುರಿಗೆ ಏಳೆಂಟು ಅಡಿ ಎತ್ತರದ ಕಟೌಟು ನಿಲ್ಲಿಸಿದ್ದರು. ಯಾರಪ್ಪಾ ಈ
ಮಹಾನುಭಾವ ಎಂದು ಆ ಎತ್ತರದ ಕಟೌಟಿನ ಅಡಿಯಲ್ಲಿ ಬರೆದಿದ್ದ ಅಕ್ಷರವನ್ನು ಓದಲು
ಪ್ರಯತ್ನಿಸಿದೆ. ಜಿಲೇಬಿಗಳನು ಜೋಡಿಸಿಟ್ಟಂತೆ ಕಾಣಿಸುತ್ತಿದ್ದ, ಲಿಪಿಯಿಂದ ಒಂದು
ಪದವನ್ನೂ ಗ್ರಹಿಸಲಾಗಲಿಲ್ಲ. ತೆಲುಗಾಗಿದ್ರೆ ಸ್ವಲ್ಪ ಮಟ್ಟಿಗೆ ಓದಬಹುದಾಗಿತ್ತು.
ಕಟೌಟಿನಲ್ಲಿದ್ದ ಹೂವು ಮತ್ತು ದೀಪದ ಚಿತ್ರವನ್ನು ನೋಡಿ, ಇವರು ಇತ್ತೀಚೆಗೆ ಹೊಗೆ
ಹಾಕಿಸಿಕೊಂಡವರಿರಬಹುದು ಎಂದು ಊಹಿಸಬಹುದಾಗಿತ್ತು.

ಅಲ್ಲಿಂದ ಸ್…

“ ನಿನ್ನ ‘ಇಂಜಿನಿಯರು ಓದು’ ಮುಗಿದ ಮೇಲೆ ಮನೆ-ಡ್ಯಾಮು ಕಟ್ಟುವ ಕೆಲಸ
ಸಿಗುತ್ತದೇನಪ್ಪ ”.

ಎಂಬುದಾಗಿ ಅಜ್ಜಿ ಕೇಳಿದಾಗ ಏನು ಹೇಳಬೇಕೊ.. ತಿಳಿಯಲಿಲ್ಲ.

“ಅಯ್ಯೊ. ನಾನು ಮನೆ-ಕಟ್ಟುವ ಇಂಜಿನಿಯರು ಅಲ್ಲ, ’ಎಲೆಕ್ಟ್ರಾನಿಕ್ಸು ಇಂಜಿನಿಯರು’
ಓದ್ತಾ ಇರೋದು.” ಎಂದು ಸ್ವಲ್ಪ ಗತ್ತಿನಿಂದಲೇ ಹೇಳಿದೆ.

“ಹೌದಾ. ಅದೇ. ನರಸಿಂಹ ಮಾಡ್ತಾನಲ್ಲ ಎಲೆಕ್ಟ್ರಾನಿಕ್ಸು ಅದು-ಇದು ಅಂತ ಟಿವಿ-ಮಿಕ್ಸಿ
ರಿಪೇರಿ ಮಾಡೋದು. ಆ ತರಹ ಕೆಲಸನ. ? ” ಎಂದು ಮುಗ್ಧವಾಗಿ ಕೇಳಿದಳು ಅಜ್ಜಿ.

ಇಂಜಿನಿಯರು ಹುಡುಗನಿಗೆ ಟಿವಿ ರಿಪೇರಿ ಮಾಡೋನು ಅಂತ ಹೇಳುತ್ತದಲ್ಲ. ನಮ್ಮೂರಿನಲ್ಲಿ
ಇಂಜಿನಿಯರು ಅಂದ್ರೆ ಮನೆ ಕಟ್ಟುವ ಸಿವಿಲ್ ಇಂಜಿನಿಯರು ಮಾತ್ರ. , ಉಳಿದವರೆಲ್ಲಾ ಅವರ
ಪಾಲಿಗೆ ’ಇಂಜಿನಿಯರು’ ಎಂದು ಕರೆಸಿಕೊಳ್ಳುವುದಕ್ಕೆ ‘ನಾಲಾಯಕ್ಕು’.

“ಟಿವಿ ರಿಪೇರಿ-ಮಾಡೊ ಕೆಲಸ ಅಲ್ಲ. , ನಾನೂ ಕೂಡ ಇಂಜಿನಿಯರು ಅಜ್ಜಿ ” ಎಂದೆ.

“ಸರಿ ಹಾಗಾದರೆ. ನಿನ್ನ ಕೆಲಸ ಏನು ಹೇಳು. ? ” ಎಂದು ಕೇಳಿದಾಗ ಒಂದು-ಕ್ಷಣ ಮಾತೇ
ಹೊರಡಲಿಲ್ಲ.
ರಾಂಗ್ ಟೈಮ್ ನಲ್ಲಿ ಈ ಮುದುಕಿ ಎಂತೆಂತದೋ ಡೌಟು ಕೇಳಿ ನನ್ನ ಮರ್ಯಾದೆ ಹರಾಜು
ಹಾಕುತ್ತಿದೆಯಲ್ಲ. ಟಿವಿ ರಿಪೇರಿಯವರು ಎಂದು ಅನ್ವರ್ಥನಾಮ ಪಡೆದ ನಮ್ಮ
ಎಲೆಕ್ಟ್ರಾನಿಕ್ಸು-ಸಮುದಾಯದ ಮಾನ ಉಳಿಸಲು ಮುಂದಾದೆ.

“ಟಿವಿ ರಿಪೇರಿ ಮಾಡೋದು ಅಲ್ಲಾ. ಟಿವಿಯನ್ನೇ ಡಿಜೈನು ಮಾಡುವವರು ನಾವು ”. ಅಜ್ಜಿಗೆ
ಅರ್ಥವಾಗುವ ಭಾಷೆಯಲ್ಲಿ ಹೇಳಿದೆ.

“ ಅದು ಯಾವ ಸೀಮೆ ಕೆಲಸಾನೊ. ಓದಿದರೆ ರೋಡು ಮಾಡುವ ಇಂಜಿ…

ಎರಡು ಲೋಟ ನೀರು ಮತ್ತು ಒಂದು ಲೋಟ ಹಾಲಿಗೆ, ಒಂದು ಸ್ಪೂನ್ ಚಹಾ ಸೊಪ್ಪು ಸೇರಿಸಿ, ಪಾತ್ರೆಯನ್ನು ಗ್ಯಾಸ್ ಸ್ಟೌವ್ ನ ಮೇಲಿಟ್ಟೆ.  ಸಕ್ಕರೆಗಾಗಿ ಹುಡುಕಿ ಡಬ್ಬಿ ತೆಗೆದು ನೋಡಿದಾಗ ನಿರಾಸೆ ಕಾದಿತ್ತು.  ಸಕ್ಕರೆ ಮೇಲೆ ಒಂದು ಲೇಯರ್ ಕೆಂಪು-ಇರುವೆಗಳು ತುಂಬಿಕೊಂಡಿವೆ.  

ಅಡುಗೆ-ಮೆನೆಯ ಸರ್ವಕಾಲಿಕ ಕ್ರಿಮಿ ಎಂದು ಇಲಿ, ಜಿರಲೆ ಗಳೊಂದಿಗೆ ಪದವಿ ಹಂಚಿಕೊಂಡಿರುವ ಇರುವೆ ಎಂಬ ಕ್ಷುದ್ರ ಜೀವಿಯೊಂದು,  ನನ್ನ ಟೀ ಮಾಡುವ ಕೆಲಸಕ್ಕೆ ಅಂಡು ತೋರಿಸುತ್ತಾ ಅಡ್ಡಲಾಗಿ ನಿಂತಿದೆ.  ಟೀ ಜೊತೆ ಇರುವೆಗಳನ್ನೂ ಕುದಿಸಿದರಾಯಿತು ಎಂದುಕೂಂಡೆ.  ಇವುಗಳಿಗೆ ಭಾಗಶಃ ಇರಬಹುದಾದ ಬ್ಲಾಡರ್ ನ ನೆನಪಾಗಿ ಬೇಡವೆನಿಸಿತು.  ಇರುವೆಗಳನ್ನು ಸೈಡಿಗೆ ದಬ್ಬಿ ಸಕ್ಕರೆ ಹೆಕ್ಕುವ ನನ್ನ ಪ್ರಯತ್ನ ಫಲ ಕಾಣಲಿಲ್ಲ.  ಅಮ್ಮ ಇರುವೆಗಳನ್ನು ಉ. ಫ್ ಎಂದು ಊದಿ ಸಕ್ಕರೆಯಿಂದ ಬೇರೆ ಮಾಡುತ್ತಿದ್ದುದನ್ನು ನೋಡಿದ್ದೆ.   ಸಕ್ಕರೆಡಬ್ಬಿಯ ಹತ್ತಿರ ಹೋಗಿ ಒಂದೇ ಉಸಿರಿಗೆ ಉ. ಫ್ ಎಂದು ಊದಿದೆ.  ಮರುಕ್ಷಣವೇ 'ಅಯ್ಯಯ್ಯೋ' ಎನ್ನುವಂತ ಪರಿಸ್ಥಿತಿ ನನ್ನದಾಯ್ತು.  ಸಕ್ಕರೆಯಲ್ಲಿದ್ದ ಅಷ್ಟೂ  ಇರುವೆಗಳು ಗಾಳಿ ಊದಿದ ರಭಸಕ್ಕೆ ಮುಖದ ಮೇಲೆ ಹಾರಿ ಬಂದು ಕೂತಿದ್ದವು. 
ತಮ್ಮ ಬದುಕಿನ ಕೊನೆ ಘಳಿಗೆಯನ್ನು ಒಂದಿಷ್ಟೂ ವ್ಯರ್ಥ ಮಾಡಲು ಒಪ್ಪದ ಈ ಮೈಕ್ರೋ ಜೀವಿಗಳು ತಮ್ಮ ಇಕ್ಕಳದಂತಹ ಮೂತಿಯಿಂದ ನನ್ನ ಕೆನ್ನೆ, ತುಟಿಯನ್ನೆಲ್ಲಾ ಕಚ್ಚಿ ಹಿಡಿದವು.  ಮುಖವನ್ನು ಕೈ ಇಂದ ತಿಕ್ಕಿ-ತೀಡಿ ಎಲ್ಲವನ್ನೂ…

" ಹೌದು!!, ನಾನು ರಾಗಿ ಹಿಟ್ಟಿನ ಬದಲಾಗಿ ಕೊಂಡುಕೊಂಡವನೆ ಇರಬೇಕು"  
ಏಳು ವರ್ಷದ ಎಳೆ ಮೈಯ ಮೇಲೆ ಮೂಡಿದ್ದ ಬಾಸುಂಡೆಯನ್ನೊಮ್ಮೆ ನೋಡಿಕೊಳ್ಳುತ್ತಾ ಮನು
ಗೊಣಗಿದ. ಇಪ್ಪತ್ತೈದು ಪೈಸೆ ಕದ್ದು ,  ಶೆಟ್ಟರ ಅಂಗಡಿಯಲ್ಲಿ ಲಾಟರಿ ಆಡಿ,
 ಪ್ಲಾಸ್ಟಿಕ್ ಉಂಗುರವೊಂದನ್ನು ಗೆದ್ದು ತಂದ. ಬೆರಳಿನಲ್ಲಿ ಮಿಂಚುತ್ತಿದ್ದ
ಉಂಗುರದಿಂದಾಗಿ, ತಂದೆಯ ಬಳಿಯೇ ಸಿಕ್ಕಿಬಿದ್ದು,  ಭಯ ದಿಗಿಲಿನಲ್ಲಿ ಎಲ್ಲವನ್ನೂ
ಅನಾಮತ್ತಾಗಿ ಒಪ್ಪಿಕೊಂಡ.    

"ಲೇ. ! ನೋಡೆ ನಿನ್ನ ಮಗ ಮನೆ ಉದ್ಧಾರ ಮಾಡೊ ಕೆಲಸ ಮಾಡಿದ್ದಾನೆ.  ದುಡ್ಡು ಕದ್ದಿರೋದು
ಅಲ್ಲದೆ,  ಲಾಟರಿ ಆಡಿ ಉಂಗುರ ಗೆದ್ದು ತಂದ್ದಿದ್ದಾನೆ".  ಅಬ್ಬರಿಸುತ್ತಾ ಕೊಟ್ಟಿಗೆಯ
ಮೂಲೆಯಲ್ಲಿದ್ದ ಜೋಳದ ದಂಟಿನಿಂದ ಹೋರಿಗೆ ಬಾರಿಸುವಂತೆ ಹೊಡೆದರು.  ಇದ್ದಕ್ಕಿದ್ದಂತೆ
ನಡೆದ ಬೆಳವಣಿಗೆಗಳಿಂದ ಚೇತರಿಸಿಕೊಳ್ಳುವಷ್ಟರಲ್ಲಿ ಮನು ಅಪ್ಪನ ಕೋಪಕ್ಕೆ ತುತ್ತಾಗಿದ್ದ.

"ಆಸ್ಪತ್ರೆಯಲ್ಲಿ ನಿನ್ನನ್ನು ರಾಗಿಹಿಟ್ಟಿಗೋಸ್ಕರ ಮಾರಿ ಹೋದರು ನಿನ್ನ ಅಪ್ಪ, ಆಮ್ಮ.
ಅಯ್ಯೋ ಪಾಪ! ಎಂದು ಸಾಕಿಕೊಂಡಿದ್ದೇವೆ " ಎಂದು ತಮಾಷೆಗಾಗಿ ಹೇಳುತ್ತಿದ್ದ ಅಜ್ಜಿಯ
ಮಾತುಗಳು ಮತ್ತೆ ಮತ್ತೆ ನೆನಪಾದವು.
ಮನೆಯವರು ಯಾವ ವಿಷಯವಾಗಿ ದಂಡಿಸಲು ಮುಂದಾದಾಗಲೂ.. ಈ ಮಾತುಗಳು ನೆನಪಾಗಿ
ಕಾಡುತ್ತಿದ್ದವು.  

"ಅಂದು ಚಿಕ್ಕೆರೆಯಲ್ಲಿ ಎರೆಮಣ್ಣಿನ ಗಣೇಶನನ್ನು ಮುಳುಗಿಸಲು ಹೋಗಿದ್ದಕ್ಕೆ
ಮನೆಯವರೆಲ್ಲಾ ತಲೆಗೊಂದರಂತೆ ಏಟು ಕೊಟ್ಟಿದ್ದರು. …