Skip to main content

Posts

Showing posts from July, 2012

ಲವ್ ಫೇಲ್ಯೂರ್

ರಾತ್ರಿ ಸರಿ ಸುಮಾರು ಒಂಬತ್ತು ವರೆಯಾಗಿತ್ತು. ಬಾರ್ ನ ಹುಡುಗ ಸೊಳ್ಳೆ ಬತ್ತಿಗೆ ಬೆಂಕಿ
ಹಚ್ಚಿ ಟೇಬಲ್ಲಿನ ಕಾಲಿನ ಪಕ್ಕದಲ್ಲಿ ಇಟ್ಟನು. ಇಷ್ಟು ವಿಶಾಲವಾದ ಕತ್ತಲ ಹುಲ್ಲು
ಹಾಸಿನ ಮೇಲೆ, ಈ ಪುಟ್ಟ ಸೊಳ್ಳೆ ಬತ್ತಿಯು ಯಾವ ವಿಧದ ಕೆಲಸ ಮಾಡಬಹುದೆಂಬ ಆಲೋಚನೆಯೊಂದು
ಸುಳಿದು ಅಚ್ಚರಿಯಾಯ್ತು. ಬದುಕಿನ ಸತ್ವ ಹೀರುವಷ್ಟು ನೋವು ಎದೆಯೊಳಗಿರುವಾಗ, ತೊಟ್ಟು
ರಕ್ತ ಹೀರುವ ಸೊಳ್ಳೆಯು ಗೌಣವೆನಿಸಿತು.

ಮನುಷ್ಯರು ಅಡ್ಡಾಡುತ್ತಿದ್ದಾರೆ ಎಂಬುದನ್ನಷ್ಟೇ ತಿಳಿಯಲು ಬೇಕಾದಷ್ಟಿದ್ದ ಮಬ್ಬು
ಕತ್ತಲಿನ ಬೆಳಕು. ಒಂದೊಂದು ಟೇಬಲ್ಲಿನ ನಡುವೆ, ಕುಡುಕನ ಆತ್ಮವಿಮರ್ಶೆ ಮತ್ತು ಹತಾಶೆಯ
ಗಟ್ಟಿಧ್ವನಿ ಕೇಳಬಾರದಷ್ಟು ಅಂತರ. ನಾನು ಇದೇ ಮೊದಲಲ್ಲ, ಕುಡಿಯುತ್ತಿದ್ದುದು. ಆದರೆ
ಬಾರ್ ನಲ್ಲಿ, ಸಾರ್ವಜನಿಕವಾಗಿ, ಗೆಳೆಯನೋರ್ವನ ಮುಂದೆ ಕುಡಿಯಲು ಬಂದಿದ್ದು ಇದೇ
ಮೊದಲು.

ಆಲ್ಕೋಹಾಲ್ ಕಂಡರೆ ಭಯ ನನಗೆ. ಅದು ಜೀವ ತೆಗೆಯುತ್ತದೆ ಎಂಬುದಕ್ಕಲ್ಲ. ನನ್ನನ್ನೆಲ್ಲಿ
ಬೆತ್ತಲು ಮಾಡಿ ಬಿಡುತ್ತದೆ ಅನ್ನೋ ಭಯ. ಅದೇ ಕಾರಣಕ್ಕೆ, ಮನೆಯ ಒಳಗೆ, ಒಳಗಿಂದ ಬೀಗ
ಜಡಿದುಕೊಂಡು, ಕೀಲಿಯನ್ನು ಬಚ್ಚಿಟ್ಟು ಕುಡಿಯುತ್ತಿದ್ದುದು. ಏನೇ ಆದರೂ, ಏನೇ ಮಾಡಿದರೂ
ಅಲ್ಲಿ ನಾನು ಮತ್ತು ನಾನೊಬ್ಬನೇ. ಮತ್ತೊಬ್ಬರ ಮುಂದೆ ಅಸಹಾಯಕನಂತೆ ನನ್ನನ್ನು
ಬಿಂಬಿಸಿಕೊಳ್ಳುವುದಿದೆಯಲ್ಲಾ, ಅದರಷ್ಟು ಯಾತನೆ ಮತ್ತೊಂದಿಲ್ಲ.

ಈ ಬಾರಿ ಗೆಳೆಯ ಸೀನ ಜೊತೆ ಸಿಕ್ಕಿದ್ದ. ಅವನು ನನ್ನ ಆತ್ಮೀಯ ಗೆಳೆಯ. ಸತ್ತು; ಸತ್ತು;
ನನ್ನ ಜೊತೆ ಬದುಕಿ…

ರಾಣಿ ಮತ್ತು ನಾನು

`ರಾಣಿ ನನ್ನ ಚಿಕ್ಕಮ್ಮನ ಮಗಳು. ಈಗ ಒಂದನೇ ಕ್ಲಾಸು ಮುಗಿಸಿ ಎರಡನೇ ಕ್ಲಾಸಿಗೆ ಹೊರಟು

ನಿಂತಿರುವ ಪುಟ್ಟಿ. ಅವಳ ಜೊತೆಗಿನ ಹಳೆಯ ಕೆಲವು ತುಂಟಾಟದ ಚಾಪ್ಟರ್ ಗಳು ಇಲ್ಲಿವೆ.`
**1. ನೂರು ಕಾಗೆಗಳು ಹಾರಿ ಹೋದ ಕಥೆ ** 'ಅಣ್ಣ ಒಂದು ಕಥೆ ಹೇಳು' ಎಂದು ಕೇಳಿದಳು ರಾಣಿ.

ಮಾತಾಡಿಸೋಕೆ ಶುರು ಮಾಡಿದರೆ, ಇವಳ ಮಾತಿಗೆ ಮಾತು ಕೊಡುವುದು ಕಷ್ಟ. ಅಂತದ್ರಲ್ಲಿ ಕಥೆ ಹೇಳಕ್ಕೆ ಶುರು ಮಾಡಿದ್ರೆ ಪ್ರಾಣ ಹಿಂಡಿ ಬಿಡುವಳು.

' ಹೇಯ್ ರಾಣಿ. ಬಿಟ್ಟು ಬಿಡೆ ನನ್ನ ತಲೆ ತಿನ್ನಬೇಡ ' ಎಂದೆ.
ಕಥೆ ಹೇಳಲೇ ಬೇಕೆಂದು ಪಟ್ಟು ಹಿಡಿದಳು. ಸರಿ, ಎಂದು ಎಲ್ಲೋ ಕೇಳಿದ್ದ ಕಥೆ ಹೇಳಲು ಶುರು ಮಾಡಿದೆ.

'ನೂರು ಕಾಗೆಗಳು ಮರದ ಮೇಲೆ ಕುಳಿತಿದ್ದವು. ಬೇಟೆಗಾರ ಬಂದೂಕಿನಿಂದ ಗುಂಡು ಹಾರಿಸಿದ. ಆಮೇಲೆ ಕಾಗೆಗಳು ಒಂದಾದ ಮೇಲೆ ಒಂದರಂತೆ ಹಾರಿಹೊಗೊದಕ್ಕೆ ಶುರು ಮಾಡಿದವು. ಮೊದಲನೇ ಕಾಗೆ ಹಾರಿ ಹೋಯ್ತು. ಈಗ ಎಷ್ಟು ಉಳೀತು. ? ಹೇಳು ನೋಡೋಣ. ?'
ಬೇರಳುಗಳಲ್ಲಿ ಎಣಿಸುತ್ತಾ. ನನ್ನ ಮುಖ ನೋಡಿಕೊಂಡು ಪ್ರಶ್ನಾರ್ಥಕ ಭಾವದಲ್ಲಿ

' ನೈಂಟಿ-ನೈನಾ ಅಂದಳು. ?'

' correct. ' ಅಂದೆ.

'ಆಮೇಲೆ ..? '

'ಮತ್ತೆ ಇನ್ನೊಂದು ಕಾಗೆ ಹಾರಿ ಹೋಯ್ತು. ಈಗ ಎಷ್ಟು ಕಾಗೆ ಉಳಿದುಕೊಂಡವು. ?'ಪುನಃ ಬೆರಳುಗಳನ್ನು ಹಿಂದೆ ಮುಂದೆ ಮಾಡುತ್ತಾ ಏನನ್ನೋ ಕಂಡು ಹಿಡಿದವಳಂತೆ 'ನೈಂಟಿ ಎಯ್ಟು' ಎಂದಳು. 'ವೆರಿ ಗುಡ್ ' ಎಂದು ಹೇ…