Saturday, February 23, 2013

ಮೈನಾ ಕನ್ನಡ ಸಿನಿಮಾದ ಮೊದಲಾರ್ಧದ ನಿರೂಪಣೆ!! - ಇದು ರಿವೀವ್ ಅಲ್ಲ




ಹೆಸರು ಮೈನಾ,  ಪ್ರತಿ ಸಾರಿ ಮೈನಾ ಅಂತ ಹೆಸರಿಡಿದು ಕರೆದಾಗಲೂ ಅದೇನೋ ಖುಷಿ. ಪ್ರಪಂಚಕ್ಕೆ ಕೋಗಿಲೆಯು ಕೂಗೋದು ಮಾತ್ರ ಗೊತ್ತು. ಮೈನಾ ಶಿಳ್ಳೆ ಹೊಡೆಯತ್ತೆ ಅನ್ನೋದು, ತುಂಬಾ ಜನಕ್ಕೆ ಗೊತ್ತೇ ಇಲ್ಲ. ಹಂಗೇನೆ ನನ್ನ ಮೈನಾ ಕೂಡ. ಅವಳಿಗೆ ಖುಷಿ ಆದಾಗ ಪಕ್ಕದಲ್ಲಿದ್ದರೆ, ತೋಳನ್ನ ಹಿಂಡುವಳು, ಕಿವಿಯಲ್ಲಿ ಊದುವಳು. ನನಗದು ಇಷ್ಟ. 

Friday, February 22, 2013

ನನ್ನ ಊಹೆಗಳು ಮತ್ತು ನನ್ನ ಲೋಕ

**ಮಳೆ ಹೇಗೆ ಬರುತ್ತೆ. ?** ಮೇಲೆ, ಆಕಾಶದಲ್ಲಿ ಗಟ್ಟಿಯಾಗಿ ತೇಲುತ್ತಿರುವ ಮಂಜುಗಡ್ಡೆಯಂತಹ ಮೋಡಗಳು, ಒಂದಕ್ಕೊಂದು ಡಿಕ್ಕಿ ಹೊಡೆದು, ಪುಡಿ ಪುಡಿಯಾಗಿ ಕೆಳಗೆ ಉದುರುತ್ತವೆ. ನೆಲ ಮುಟ್ಟೋ ಅಷ್ಟರಲ್ಲಿ, ಮಂಜುಗಡ್ಡೆಯು ಕರಗಿ ಮಳೆ ಹನಿಗಳಾಗುತ್ತವೆ. 'ಆವಿಕಲ್ಲು ಮಳೆ' ಬಿದ್ದು, ನೆಲದ ಮೇಲೆ ಪುಟ್ಟ ಪುಟ್ಟ ಮಂಜುಗಡ್ಡೆಗಳನ್ನು ಕಂಡಾಗ, 'ಹೋ ಇವುಗಳು ಕೆಳಗೆ ಬಂದರೂ ಇನ್ನೂ ಕರಗಲೇ ಇಲ್ಲವಾ.' ಅನ್ನಿಸುವುದು. 

Thursday, February 7, 2013

ಅಮ್ಮ - ಟೂ; ಅಮ್ಮನ ಕುರಿತ ಲೇಖನದ ಮುಂದುವರೆದ ಭಾಗ


ಅಮ್ಮ ಒಂದಷ್ಟು ಪಿಂಗಾಣಿ ಲೋಟಗಳನ್ನು ತಂದಿದ್ದಳು. ‘ಸೋ-ಕೇಸ್ ನಲ್ಲಿ ಮೊದಲೇ ಜಾಗ ಇಲ್ಲ.
ಇನ್ನು ಈ ಸೋ ಪೀಸುಗಳು ತಂದದ್ದು ಯಾಕೆ. ? ’ ಅಂದೆ.

‘ಹೆಂಗಂತಿಯಲ್ಲೋ. ? ಇವು ಶೋ ಇಡೋದಕ್ಕಲ್ಲ, ಬಳಸೋದಕ್ಕೆ. ತಂದಿರೋದು’ ಎಂದಳು. ಅಮ್ಮನ
ಆಸೆಯಂತೆ ಪಿಂಗಾಣಿ ಲೋಟದಲ್ಲೇ ಟೀ ಸಮಾರಧಾನೆ ನಡೆಯುತ್ತಿತ್ತು. ಮೊದಮೊದಲು ತುಟಿ
ಸುಟ್ಟುಕೊಳ್ಳುತ್ತಿದ್ದುದೂ,. ಟೀ ಮುಗಿದು ಹೋದ ಮೇಲೆಯೂ, ತಳದಲ್ಲಿ ಇನ್ನೂ ಇರಬಹುದೇನೋ
ಎಂದು ಲೋಟವನ್ನು ಎತ್ತಿ ಸುರಿದುಕೊಂಡು, ಖಾಲಿ ಅಂತ ಗೊತ್ತಾದ ಮೇಲೆ ನಿರಾಶರಾಗಿ
ಕೆಳಗಿಡುತ್ತಿದ್ದುದು ನಡೆದೇ ಇತ್ತು. ಇದು ಭಾರದ ಪಿಂಗಾಣಿ ಲೋಟ ಮತ್ತು ಹಿಂದೆ ಇದ್ದ
ಹಗುರದ ಸ್ಟೀಲ್ ಲೋಟಗಳ ನಡುವಿದ್ದ inertia ಸಮಸ್ಯೆ.