Skip to main content

ಕಾಮೆಂಟ್ ಕವಿಗಳು

ಕವಿತೆಗಳನ್ನು ಮೆಚ್ಚಿ, ಯಾರಾದ್ರು ಬರೆದಾಗ ತುಂಬಾ ಖುಷಿ ಆಗತ್ತೆ. ಆ ರೀತಿ ಉತ್ಸಾಹದಿಂದ
ಬರೆದವರನ್ನ, ಸರಿಯಾಗಿ aknowledge ಮಾಡಕ್ಕಾಗದೇ ಇದ್ರೂ ಕೂಡ, ಅವರುಗಳ ಸಾಲುಗಳು
ಮಾತ್ರ, ನನ್ನ ಖುಷಿಯ ಬುತ್ತಿಯ ತುತ್ತುಗಳಂತಿವೆ.

ಅರೆಘಳಿಗೆಯ ಮನೋಲ್ಲಾಸಕ್ಕೆ ಕಾರಣವಾದ ನನ್ನ ಪದ್ಯಗಳಿಗೂ ಮತ್ತು ಮೆಚ್ಚಿ ಭಾವನೆಗಳಿಗೆ
ಪ್ರತಿಯಾಗಿ ಸ್ಪಂದಿಸಿರುವ ಕಾಮೆಂಟ್ ಕವಿಗಳಿಗೂ ಇಬ್ರಿಗೂ ಥ್ಯಾಂಕ್ಯು. ಕೆಲವು ಕವಿತೆಗಳು
ಮತ್ತು ಕವಿತೆಯ ಭಾವಕ್ಕೆ ಕಾಮೆಂಟ್ ರೂಪದಲ್ಲಿ ಬಂದ ಗೆಳೆಯರ ಪ್ರತಿ ಭಾವಗಳನ್ನು ಇಲ್ಲಿ
ಹಾಕುತ್ತಿರುವೆ. Enjoy :)

1. ಕನಸೂರ ದಾರಿಯಲಿ

ರೆಪ್ಪೆ ಕೂಡಿದ ಮೇಲೆ,
 ತೆರೆದುಕೊಳ್ಳುವ ಮಾಯಾನಗರಿ(ಕನಸು)
 ಮೈ ಕೊಡವಿ ಏಳುವ ಪಾತ್ರಗಳು
 ಸೂತ್ರ ಹರಿದು ಸಜ್ಜಾಗುವ
 ಎಲ್ಲೋ. ನೋಡಿದ ಮುಖಗಳು.

ಕನಸೂರ ದಾರಿಯಲಿ
 ಅಂತ್ಯಗಾಣದ ದೃಶ್ಯಗಳು.
 ಭ್ರಮೆಯ ಸೂರಿನಡಿಯಲ್ಲಿ
 ನನ್ನ ಕೂಡುವ ಜೀವಗಳು.

ಅಲ್ಲೊಂದು ಕಥೆ,
 ಕಥೆಯೊಳಗೊಂದು ಉಪಕಥೆ
 ಎಚ್ಚರವಾದಾಗಲೆಲ್ಲಾ ಅದಲು ಬದಲಾಗುವ ಪಾತ್ರಗಳು.

ಕನಸುಗಳ ಮೌನ ಮೆರವಣಿಗೆಯಲ್ಲಿ
 ಕಲ್ಪನೆಗಳದ್ದೆ ಕಾರು-ಬಾರು
 ಅಲ್ಲಿ ನಾನೇ ರಾಜ, ಅವಳೇ ರಾಣಿ,
 ನನ್ನ ಬಂಧು-ಮಿತ್ರರೆಲ್ಲಾ ಸೈನಿಕರು.

ಮೊದಮೊದಲು ನನ್ನ ಕವಿತೆಗಳನ್ನು ಮೆಚ್ಚಿ ಪ್ರೋತ್ಸಾಹಿಸುತ್ತಿದ್ದ, ಗೆಳೆಯ ನಿರಂಜನ ಈ
ಕವಿತೆಗೆ ಪ್ರತಿಕ್ರಿಯಿಸಿದ್ದು ಹೀಗೆ.
`ಕನಸುಗಳ ಮೌನ ಮೆರವಣಿಗೆಯಲ್ಲಿ ಕಲ್ಪನೆಗಳದ್ದೆ ಕಾರು-ಬಾರು
 ಅಲ್ಲಿ ನಾನೇ ರಾಜ……. ಅಲ್ಲಿ ನೀ ಪ್ರಣಯರಾಜ, ಪ್ರೇಮಕವಿ. 
ಅವಳು ನಿನ್ನ ಪದಗುಚ್ಛಗಳಿಗೆ ಮನಸೂರೆಗೊಂಡವಳು. 
ನಾನು ನಿನ್ನ ಮಿತ್ರ!!
ನಿನ್ನ ಕನಸಿನ ಕೋಟೆಯ ಕಾವಲುಗಾರ. 
ನಿನ್ನ ಕನಸಿನ ಲೋಕದೊಳು ತೇಲಿ ಬರುವ ಕವನಗಳ ಹಿಡಿವ ಮೊದಲಿಗನಾಗಬೇಕೆಂಬ ನಿರೀಕ್ಷೆಯಲ್ಲಿರುವ 
ಸ್ವಾರ್ಥಿ ಸೈನಿಕ ನಾನು.`

  --------------------

2. ಪ್ರೀತಿಯಲಿ ಸೋತವನು, ಸತ್ತವನು

ಕಣ್ಮುಚ್ಚಿದರೆ ಮಾತ್ರ ಕಾಣುವ ಸೊಗಸು.
 ಕಲ್ಪನೆಯ ಹುಚ್ಚುಕುದುರೆಯ ಬೆನ್ನೇರಿ,
 ಕುಣಿಕುಣಿದು
 ನಡುರಾತ್ರಿಯಲೂ ಎದ್ದೆದ್ದು
 ಕೈ-ಚಿವುಟಿ ಬಿಕ್ಕಳಿಸಿ
 ಮುಂಜಾವಿನ ಕನಸಿಗೂ
 ವಾಸ್ತವದ ಪುಕ್ಕ ತೊಡಿಸಿ
 ಇರುಳಾಗುವ ತನಕ,
 ತನ್ನೆದೆಯ ಮಿಡಿತ ಎಣಿಸಿ.
 ಕಣ್ಣುಮುಚ್ಚಲೆಂದೇ ಕತ್ತಲೆಗಾಗಿ
 ಕಾಯುವ ಹುಂಬತನ
 ಸದಾ ಸೂತಕದ-ಹಡಗಲ್ಲಿ ಇವನ ಪಯಣ.

ಗೆಳೆಯ ರೂಪಿ ಇದಕ್ಕೆ ಹಾಕಿದ್ದ ಕಾಮೆಂಟು :
`ಸದಾ ಸೂತಕದ-ಹಡಗಲ್ಲಿ ಇವನ ಪಯಣ……. 
ಪಯಣಕ್ಕೆ ಹಡಗೇ ಇಲ್ಲ ಎಂಬುವುದು ನನ್ನ ಅಂಬೋಣ`

--------------------

3. ಇದು ಹೃದಯದ ಹೊತ್ತಿಗೆ, ಮುನ್ನುಡಿ ಬೇಕೆ.?

ಎಲ್ಲವನ್ನೂ ಹೇಳಿದ್ದೆ
 ಒಲವನ್ನು ಬಿಟ್ಟು
 ಹೂಗಳೆಲ್ಲವ ಹಾಸಿದ್ದೆ
 ರೋಜಾವೊಂದನ್ನು ಬಿಟ್ಟು.
 ಪ್ರೇಮಪತ್ರವೆಂದೆ, ಖಾಲಿ ಕಾಗದವ ಕೊಟ್ಟು.
 ಒಳಗಿನ ಮೌನಕೆ
 ಪದಗಳು ಬಾರದೆ ಹೋಯ್ತು.

ಬಿಚ್ಚಿ ಓದಲು ನಾಚಿ,
 ಹಿಂತಿರುಗಿ ಕೊಟ್ಟಳು.
 ತಪ್ಪೆನಿಸಿದರೂ ಅಪ್ಪಿ,
 ಮೆದು ಮುತ್ತಿಟ್ಟಳು.

ನಾನೇ ಪೆದ್ದು ಅಂದರೆ,
 ನನಗಿಂತಲು ಪೆದ್ದು ನನ್ನವಳು.
 ಸಂಭವಿಸಿದ ಒಲವಿಗೆ,
 ನಿವೇದನೆಯ ಪೀಠಿಕೆ. ?
 ಇದು ಹೄದಯದ ಹೊತ್ತಿಗೆ,
 ಮುನ್ನುಡಿ ಬೇಕೆ. ?

ಒಲವು ನಿವೇದನೆಯಾಗಲೇ ಇಲ್ಲ.
 ಒಲವಿನ ಹೊಸಚಿಲುಮೆ ನಿಲ್ಲಲೂ ಇಲ್ಲ.

ಈ ಕವಿತೆಗೆ ಗೆಳೆಯ ಶಶಿಕಿರಣನ ಕಿರಣಗಳು ಈ ರೀತಿಯದ್ದಾಗಿದ್ದವು.
`ಎಲ್ಲವನೂ ಹೇಳುವುದೇ ಪ್ರ್ರಿತಿ ಅಲ್ಲ; 
ಹೊತ್ತಿಗೆ ಬರೆಯುವುದೇ ದೊಡ್ಡಸ್ತಿಕೆ ಅಲ್ಲ; 
ಪ್ರೀತಿಯೇ ಆನಂದದ ನಿವೇದನೆ, ಅದಕ್ಯಾಕೆ ಬೇಕು.
 ಮುನ್ನುಡಿ ಎಂಬ ಆರಂಭ ಒಪ್ಪಿಗೆ ಓಲೈಕೆಯೆಂಬ ಕೊನೆ.`
:)
ಬಹಳ ಚೆನ್ನಾಗಿದೆ ಲೊ. ನಿನ್ನ ಆ ಮಳೆಯ ಹುಡುಗೀನೆ ನೆನಪಾದಳು. ಕವಿತೆ ಓದಿ.


* * * * *

4. ಸಾರ್ಥಕ ಸಾವು

 ಸಿಡಿಲೂ ಬಡಿಯಲಿಲ್ಲ,
 ಕಾಳ್ಗಿಚ್ಚೂ ಹತ್ತಲಿಲ್ಲ,
 ಅಂಥಾ ವಯಸ್ಸೂ ಆಗಿರಲಿಲ್ಲ,
 ನಿಂತ ಮರ ನಿಂತಂತೆ ಒಣಗಿ ಬಿತ್ತು,
 ಯಾರೂ ಗಮನಿಸಲೇ ಇಲ್ಲ.

Actually ಈ ಹನಿ ಅಥವಾ ಮಿನಿಕವಿತೆಯನ್ನ ಒಂದು ಸಾರ್ಥಕ ಸಾವಿಗೆ, ಸಮಾನಾಂತರವಾಗಿ
ಬರೆದದ್ದು. ನಮ್ಮ ಮಧ್ಯೆ ಯಾರೋ. ಅದ್ಭುತವಾಗಿ ಜೀವಿಸುತ್ತಾ ಇರ್ತಾರೆ. ಎಲೆ ಮರೆ ಕಾಯಿ
ರೀತಿ ಅವರ ಸಾವಿಗೆ ಅಂಥಾ ಕಾರಣಗಳೇನೂ. ಇರಲ್ಲ ಬದುಕಿದ್ದವರು ಒಂದಿನ ಸಾಯಲೇ ಬೇಕು ಅನ್ನೋ
ಸಿಂಪಲ್ ಕಾರಣಕ್ಕೆ ಅವರ ದೇಹ ಒಂದಿನ ಕೆಲಸ ಮಾಡೋದು ನಿಲ್ಸತ್ತೆ ಈ ಥರದ್ದೊಂದು context
ನಲ್ಲಿ ಕವಿತೆ ಬರೆದದ್ದು. ಇದಕ್ಕೆ ರವಿ ಪ್ರತಿಕ್ರಿಯಿಸಿದ್ದು ಈ ರೀತಿ :
`ಪ್ರಾಬಬ್ಲಿ ನೀರು ಸರಿಯಾಗಿ ಹಾಕ್ತಿರ್ಲಿಲ್ಲ ಅಂತ ಅನ್ಸತ್ತೆ ಕಣ್ಲಾ. ಹಹಹಾ.`

*********

5 ...

ಜಾರುವ ಸೆರಗಿನ,
 ಲೆಕ್ಕ ತಪ್ಪಿದರೂ
 ಇಳಿಬಿದ್ದ ಮುಂಗುರುಳ,
 ಬಿಡಿಯಾಗಿ ಎಣಿಸಿದನು.

ರವಿಯ ಪ್ರತಿಕ್ರಿಯೆ:
ಅದ್ಯಾವನ್ಲಾ ಅವನು!! ಸೆರಗು ಜಾರೋವಾಗ್ಲು. ಕೂದ್ಲು.
ಏಣಿಸೋ ಅಂತವನು. 

ನನ್ನ ಎಲ್ಲಾ ಕವಿತೆಗಳನ್ನು ಓದಿ, ಸದಾ ಹಿಂಸಿಸುವ ಇವನ ಒಟ್ಟಾರೆ
ಪ್ರತಿಕ್ರಿಯೆ ಇದು.

ಲೆ ಕೆಸಿ, ನಿದ್ರೆ ಬರ್ತಿದೆ. ನಿನ್ ಕವನ ಓದಿ ಅಂತ ತಪ್ಪು ತಿಳ್ಕೋಬೇಡ!! ನಾನ್ ಅಷ್ಟು
ಡೈರೆಕ್ಟ್ ಆಗಿ ಹೇಳೋ ಮನ್ಷ ಅಲ್ಲ ಆಲ್ ಆರ್ ಗುಡ್ ಓನ್ಲಿ. ಛೇ not just good
excellent only…. , ಏನ್ ಮಾಡೋದು. ಆದ್ರೂ ನಿದ್ರೆ ಬರ್ತಿದೆ. ನಿನ್ನ ಕವನಗಳಿಂದ
ಅಲ್ಲ. ಮಲ್ಗೋ ಟೈಮ್ ಆಯ್ತು ಅದ್ರಿಂದ.

* * * * *

ಇಶ್ಟೆಲ್ಲಾ ಗೊತ್ತಿರೋರ ಮಧ್ಯೆ ಕೆಲವರು ಇದ್ದಾರೆ. ಅವರನ್ನ Anonymous ಅನ್ನೋ ಒಂದು
ಹೆಸರಿಂದ ಮಾತ್ರ ಗುರುತಿಸಬಲ್ಲೆ. ಆ ಕಾಮೆಂಟ್ ಗಳಂತೂ ಬಹಳಾನೆ ಖುಷಿ ಕೊಟ್ಟಿವೆ.

6. ಹೇಳು ನೀನೆ ಹೇಳು.

ಏನ. ? ಬರೆಯಲಿ ಗೆಳತಿ,
 ಈಗ ನೀನೇ ಹೇಳು,
 ಮುದ್ದು ಮುಖದ ಮೇಲೊಂದು
 ಸಿಹಿನಗೆಯು ಮೂಡಲು

ನನ್ನ ನೆನಪು ನಿನಗೆ
 ಕವಿತೆ ಮುಗಿವರೆಗೆ
 ಮಿತಿಯ ನಾ ಅರಿವೆ.
 ಈ ಒಂದು ಕ್ಷಣ
 ನಿನ್ನ ಖುಷಿಗೆ ನಾ ಆಗಬೇಕು ಕಾರಣ.

ಏನ. ? ಬರೆಯಲಿ ಗೆಳತಿ,
 ನೀ. ನೇ. ಹೇಳು.
 ಮುದ್ದು ಮುಖದ ಮೇಲೊಂದು
 ಸಿಹಿನಗೆಯು ಮೂಡಲು
 ಹೇಗಿರಲಿ ಹೇಳು. ?
 ನಿನಗಾಗಿ ಬರೆವ
 ತುಂಡು ತುಂಡು ಸಾಲುಗಳು

ಓದಿಹೋದ ಮೇಲೂ
 ಕಾಡುವಂತ ಭಾವವಿರಲಾ. ?
 ಸುಮ್ಮನಿದ್ದಲೆಲ್ಲಾ
 ಗುನುಗುವಂತ ಪ್ರಾಸವಿರಲಾ. ?
 ಸುಳ್ಳು ಹೋಲಿಕೆಯಾದರು ಸರಿ
 ಸುಂದರ ಹೊಗಳಿಕೆ ಇರಲಾ…?
 ಈ ಒಂದು ಕ್ಷಣದಿ
 ನಿನ್ನ ಮೊಗದ ಮೂಡಣದಿ
 ನಗುವಿನ ಸೂರ್ಯ ಉದಯಿಸಲಿ.
 ಹೇಳು ಏನ. ? ಬರೆಯಲಿ.

Anonymous ಪ್ರತಿಸ್ಪಂದನೆ:

`ಕಾಡುವ ಭಾವದೊಂದಿಗೆ, 
ಗುನುಗುವ ಪ್ರಾಸವಿರಲಿ. 
ಸುಂದರ ಹೋಗಳಿಕೆಯೊಂದಿಕೆ, 
ನಿಜವು ಬೆರೆತಿರಲಿ.

 ಏನಿರಲಿ ಇರದಿರಲಿ,
 ನಿನ್ನ ಒಲವಿರಲಿ. 
ನಗುವಳು ಗೆಳತಿ, 
ಹೂವಂತೆ ಮುಖವರಳಿ`

* * * * *

7. ಹುಡುಗಾಟದ ಒಲವು, ಸುಳ್ಳು

‘ಅರಿಯಲಿಲ್ಲ, ಬೆರೆಯಲಿಲ್ಲ,
 ಸುಳಿದು ನೋಟ ನೆರೆಯಲಿಲ್ಲ’ ,
 ಅಂದಮೇಲೆ,
 ನಾ ಬಯಸಿದ್ದು ಏಕಂತ?
 ಮಾತಿಗೆ ಮಾತಿಲ್ಲ,
 ಕಥೆಗೂ ಎಳೆಯಿಲ್ಲ,
 ತೊಟ್ಟಿಕ್ಕುವ ಮಾಡಿದು,
 ಬೇಕಂತ ಭೂಗತ, ಏಕಾಂತ

ಪೂರ್ಣವಿರಾಮದ ಚುಕ್ಕಿಯನ,
 ಒಂದರ ಮುಂದೊಂದು ಇಡುವೆ.
 ಚಂದವ ಮಾಡುತ, ಇಟ್ಟ ಚುಕ್ಕಿಯನ,
 ಮುಗಿದ ಕಥೆಯನ್ನೇ, ಎಳೆದಾಡುವೆ.

‘ಮರೆತು-ಗಿರಿತು’ ಅನ್ನೋ ಮಾತೆ, ಕಷ್ಟ ಕಣೆ.
 ಪೂಸಿ ಹೊಡಿಯಬೇಕಿದೆ, ಪೆದ್ದು ಮನಸನ್ನೆ.
 ನೀ ನಡೆದಾಡಿದ, ಈ ಲೋಕ ಸುಳ್ಳು.
 ನೀ ಇರೋದೆ, ನನ್ನ ಪಾಲಿನ ಸುಳ್ಳು.
 ನೀ ಕಳೆದು ಹೋದದ್ದು,
 ಅಯ್ಯೋ ನಗೆಪಾಟಲು ಸುಳ್ಳು.
 ನಾ ಹುಡುಕಾಡಿದ,
 ಹುಡುಗಾಟದ ಒಲವೇ ಸುಳ್ಳು.
 ಹೇಳು ಶುರು ಮಾಡಲಿ,
 ಎಲ್ಲಿಂದ.? ಎನ್ನ ಮನದೆನ್ನೆ.
 ಕಳೆದುಕೊಳ್ಳಬೇಕಿದೆ, ಸಣ್ಣ ನಂಬಿಕೆಯನ್ನೆ.

ಈ ಕವಿತೆಗೆ Anonymous ಪ್ರತಿಕ್ರಿಯಿಸಿದ ರೀತಿ. ಒಂದೊಂದು ಸಾಲಿಗೂ ಪಟ್-ಪಟ್ ಪಟಾರ್
ಏಟುಗಳು.

`ಅರಿಯುವ ಅಗತ್ಯ ಅಪನಂಬಿಕೆಗೆ,      
ಬೆರೆಯುವ ಅನಿವಾರ್ಯ ಚಪಲತೆಗೆ,      
ಕನ್ನೋಟ-ಕಳ್ಳಾಟವೆಲ್ಲಾ ಅಪ್ರಭುದ್ದತೆಗೆ      
ಅಂದಮೇಲೆ,      ನೀ ಬಯಸಿದ್ದು ಲೌಕಿಕ ಕಾಮವನ್ನೋ;      
ನಿರ್ಧರಿಸು ಅಲೌಕಿಕ ಪ್ರೇಮವನ್ನೊ      

ಒಲವೇ ಸುಳ್ಳೆಂಬುದು ನಿಜವಾದರೆ,      
ಎಳೆದಾಡದೆ ಮುಗಿಸಿಬಿಡು ಕಥೆಯನ್ನೆ      
ಅಥವಾ      
ಶುರುಮಾಡು ಮತ್ತೊಂಮ್ಮೆ ಮೊದಲಿನಿಂದಲೆ,      
 ಕಳೆದುಕೊಳ್ಳದೆ ಈ ಬಾರಿ ಆ ಸಣ್ಣ ನಂಬಿಕೆಯನ್ನೆ:-)`

* * * * *

8. ಕೊನೆಹನಿ

ಪುನಃ ಬೇರೆ ಯಾರನ್ನೋ ಅಲ್ಲ,
 ನಿನ್ನ ಕೂಡ ಮತ್ತೆ ಅಷ್ಟು ಪ್ರೀತಿಸಲಾರೆ
 ಸಣ್ಣಗಾಗಿದ್ದು ಉದ್ಯಾನದ ಕಾರಂಜಿ ಅಲ್ಲ,
 ಸುಮ್ಮನಾಗಿದ್ದು ನನ್ನ ಸ್ಪೂರ್ಥಿಚೇತನ

Anonymous ಮಾತುಗಳು

`ಪುನಃ ಅವಳನ್ನೂ ಅಲ್ಲ,       
ನಿನ್ನ ಕೂಡ ಮತ್ತೆ ಅಷ್ಟು  ಪ್ರೀತಿಸಬೇಡ         
ಸುಮ್ಮನಾಗಿದ್ದು ನಿನ್ನ ಸ್ಪೂರ್ಥಿಚೇತನ ಅಲ್ಲ,       
ಸಣ್ಣಗಾಗಿದ್ದು 'ನೀನು' ಚೇತನ  .:P`

* * * * *

9. ಸಿಕ್ಕೊಮ್ಮೆ ಸೋಲಬೇಕು


ನೆಪಗಳ ಪಟ್ಟಿ ಮಾಡಿರುವೆ
 ಮಾತು ಬೆಳೆಸಲು.
 ತಾಲೀಮು ನಡೆಸಿರುವೆ
 ಸಿಕ್ಕಾಗ ನಗಿಸಲು
 ಮತ್ತೊಮ್ಮೆ ಭಾವುಕನಾಗಬೇಕು
 ಸಿಕ್ಕೊಮ್ಮೆ ಸೋಲಬೇಕು

Anonymous ಪ್ರತಿಕ್ರಿಯಿಸಿದ ರೀತಿ

`ನೆಪಗಳೇಕೆ ಮಾತಿಗೆ,  ಮೌನ ಸಾಕು
 ತಾಲೀಮೇಕೆ ನಗಿಸಲು,  ನೀನೆ ಸಾಕು
ಮತ್ತೊಮ್ಮೆ ಭಾವುಕನಾಗಲು       
ಸಿಕ್ಕೊಮ್ಮೆ ಸೋಲಲು.:-)`

* * * * *

10..

ಪ್ರತಿ ಕವಿತೆಯ ಕಡೆಯಲ್ಲಿ
 ನನ್ನ ಹೆಸರ ಬರೆದರೂ ತಪ್ಪದೆ.
 ನಾ ಪರಪಂಚಕ್ಕೆ ಅಪರಿಚಿತನಾಗಿಯೇ ಉಳಿದೆ.
 ಕವಿತೆಯಿಂದ ಕವಿತೆಗೆ
 ನೀ ಆಪ್ತಳು,
 ಚಿರಪರಿಚಿತಳು ಆಗುತ್ತಲೇ ಹೋದೆ.

 ಜೊತೆಗೆ ಕವಿತೆಗಳ ಜುಗಲುಬಂದಿ ಸಾಗಿದ್ದು ಹೀಗೆ

Anonymous :
`ಪ್ರತಿ ಕವಿತೆಯಲ್ಲೂ ನಿನ್ನಂತರಂಗವ ತೆರೆದಿಡುತ್ತಾ,
ಭಾವನೆಗಳ ಪ್ರವಾಹವ ಹರಿಬಿಡುತ್ತಾ,
 ಅಪರಿಚಿತ ಪ್ರಪಂಚಕ್ಕೆ ಪರಿಚಿತನಾದೆ.
ಚಿರಪರಿಚಿತಳು ಅವಳಾದರೂ , ಓದುಗರ ಆಪ್ತ ನೀನೆ ಅದೆ`

ನಾನು :
ತೆರೆದಿಟ್ಟ ಅಂತರಂಗದಲೂ ಕಂಡವಳು ಅವಳು,
 ಹರಿಬಿಟ್ಟ ಭಾವ ಪ್ರವಾಹದಲೂ ಮಿಂದವಳು ಅವಳು,
 ಪದಗಳ ಅಂತಃಶಕ್ತಿಯೇ ಅವಳಾಗಿರುವಾಗ,
 ಕೊನೆಯಲ್ಲಿ ಬರೆದ ನನ್ನ ಹೆಸರು ಕೇವಲ ನಿಮಿತ್

Anonymous : 
`ತೆರೆದಿಟ್ಟ ಅಂತರಂಗದಲೂ ಅವಳನ್ನು ಕಾಣಿಸಿದವನು ನೀನು,
ಹರಿಬಿಟ್ಟ ಭಾವ ಪ್ರವಹದಲೂ ಅವಳನ್ನು ಮೀಸಿದವನು ನೀನು, 
ಪದಗಳ ಅಂತಃಶಕ್ತಿ ಅವಳಾಗಲು ಕಾರಣ ನೀನಾಗಿರುವಾಗ ,  
 ಕೊನೆಯಲ್ಲಿ ಬರೆದ ನಿನ್ನ ಹೆಸರು ಹೇಗಾದೀತು ಕೇವಲ ನಿಮಿತ್ತ ???.:-)`

ನಾನು :
ಬರಿಯ ಕಾವ್ಯದಲಿ ಮೆರೆಸಿದರೆ ಬಂದದ್ದೇನು ಭಾಗ್ಯ ?
 ಜೊತೆಯಲಿ ಎರಡು ಹೆಜ್ಜೆ ಹಾಕಿದರೆ ತಿಳಿದೀತು ನಾನಾ ಯೋಗ್ಯ
 ಒಲ್ಲದವಳ ಮುಖದಲಿ ನಗು ಮೂಡಿಸಬಹುದಷ್ಟೆ .
 ಒಲವನು ಎದೆಯಲಿ ಈ ನಿಮಿತ್ತ ಬಿತ್ತಲಾಗದಷ್ಟೇ

ಜುಗಲುಬಂದಿ ಹೀಗೆ ಉತ್ತರಿಸುತ್ತಾ ಸಾಗಿತ್ತು.

Comments

  1. ಈಗ ಧನ್ಯವಾದ ಹೇಳಬೇಕನಿಸುತ್ತಿರುವುದು ಇಬ್ಬರಿಗೆ,
    ಸುಂದರವಾದ ಕವಿತೆಗಳನ್ನು ಬರೆಯುವ ನಿಮಗೆ,
    ಹಾಗೂ, ನಿಮ್ಮ ಕವಿತೆಗಳನ್ನು ಓದಲು
    ಅವಕಾಶ ಮಾಡಿಕೊಟ್ಟ ಈ ಇಂಟರ್ನೆಟ್ ಗೆ..

    ReplyDelete
    Replies
    1. ಮತ್ತೂ.. ಹೊಗಳುತ್ತಿರೋದಕ್ಕೆ Thank you!!
      ಆದರೆ ಈಗ Anonymous!! ಆಗಿ ನಾನೇ ಕಾಮೆಂಟ್ ಹಾಕಿಕೊಂಡು...
      ಕಲರ್!! ಕಲರ್!! ಕಾಗೆ ಹಾರಿಸ್ತಾ ಇದೀನಿ ಅಂತ ಒಬ್ಬ ಗೆಳೆಯನ ಅಪವಾದವಿದೆ.

      Delete
  2. ನಿಜವಾಗ್ಲು ಅವ್ರೊಬ್ರಿಗೆ ಅಲ್ಲ, ಎಲ್ಲಾರಿಗು ಇ ಸ೦ಶಯ ಬರ್ತಿದೆ ಕವಿಗಳೆ..!! ಅಲ್ಲಾ, ಹೆಸ್ರನ್ನ ದುರುಪಯೋಗ ಪಡ್ಸ್ಕೊಳೊರ್ನ ನೋಡಿದೆವೆ, ಆದ್ರೆ anonymous ಕೂಡಾ!!!!

    ReplyDelete

Post a Comment

Popular posts from this blog

ತುಂಗಭದ್ರ ; ಬಿಟ್ಟರೂ ಬಿಡದ ಇಬ್ಬರು ಗೆಳತಿಯರು

ಸರಳ ಮತ್ತು ವಿಮಲಾ ಚಿಕ್ಕ೦ದಿನಿ೦ದಲೂ ಆಪ್ತ ಗೆಳತಿಯರು.
ಓರಗೆಯವರು ಮತ್ತು ಅಕ್ಕಪಕ್ಕದ ಮನೆಯವರು.
ಒಬ್ಬರನ್ನು ಬಿಟ್ಟು ಒಬ್ಬರು ಇರದಿರುವಷ್ಟು ಆತ್ಮೀಯತೆ.
ಕಾಲೇಜಿನ ಮೆಟ್ಟಿಲು ಹತ್ತಿದ್ದೂ ಒಟ್ಟಿಗೆ ಮತ್ತು ಕುಳಿತುಕೊಳ್ಳುತ್ತಿದ್ದುದು ಒ೦ದೇ ಬೆ೦ಚಿನಲ್ಲಿ. ವಿಮಲಾ ಕಟ್ಟಿದ ಹೂವನ್ನೇ ಸರಳ ಮುಡಿಯುತ್ತಿದ್ದುದು.
ಇವರ ಸ್ನೇಹವನ್ನು ಕ೦ಡು ಇಬ್ಬರ ಮನೆಯವರೂ , ಇವರನ್ನು ಒ೦ದೇ ಮನೆಯ ಅಣ್ಣ ತಮ್ಮರಿಗೆ ಕೊಟ್ಟು ಮದುವೆ ಮಾಡಿ, ಇಬ್ಬರಿಗೂ ತ೦ದಿಡಬೇಕು ಎ೦ದು ಕುಹುಕವಾಡುತ್ತಿದ್ದರು.

ಪ್ರತಿ ಬಾರಿಯ೦ತೆ ಈ ಬಾರಿಯೂ ಇಬ್ಬರೂ ಕೂಡ್ಲಿ ಜಾತ್ರೆಗೆ ಹೋದರು.
ಕೂಡ್ಲಿ!!! ತು೦ಗೆ ಮತ್ತು ಭದ್ರೆಯರು ಸೇರುವ ತಾಣ.
ಪಶ್ಚಿಮ ಘಟ್ಟದಲ್ಲಿರುವ ವರಾಹ ಪರ್ವತದ ನೆತ್ತಿಯಲ್ಲಿ ಒಟ್ಟಿಗೆ ಜನಿಸುವ ಈ ಗೆಳತಿಯರು ಹುಟ್ಟುತ್ತ ಬೇರಾಗಿ,
ಹರಿಯುತ್ತ ದೊಡ್ಡವರಾಗಿ... ಕೂಡ್ಲಿಯಲ್ಲಿ ಬ೦ದು ಒ೦ದಾಗುವರು.
ಇಲ್ಲಿ೦ದ ಮು೦ದಕ್ಕೆ ಎರಡು ದೇಹ, ಒ೦ದು ಸೆಳೆತದ೦ತೆ ತು೦ಗಭದ್ರೆಯಾಗಿ ಮು೦ದುವರೆಯುವರು.
ಸರಳ ಮತ್ತು ವಿಮಲಾ ಚಿಕ್ಕಂದಿನಿಂದಲೂ ಆಪ್ತ ಗೆಳತಿಯರು. ಓರಗೆಯವರು ಮತ್ತು ಅಕ್ಕಪಕ್ಕದ
ಮನೆಯವರು. ಒಬ್ಬರನ್ನು ಬಿಟ್ಟು ಒಬ್ಬರು ಇರದಿರುವಷ್ಟು ಆತ್ಮೀಯತೆ. ಕಾಲೇಜಿನ ಮೆಟ್ಟಿಲು
ಹತ್ತಿದ್ದೂ ಒಟ್ಟಿಗೆ ಮತ್ತು ಕುಳಿತುಕೊಳ್ಳುತ್ತಿದ್ದುದು ಒಂದೇ ಬೆಂಚಿನಲ್ಲಿ. ವಿಮಲಾ
ಕಟ್ಟಿದ ಹೂವನ್ನೇ ಸರಳ ಮುಡಿಯುತ್ತಿದ್ದುದು. ಇವರ ಸ್ನೇಹವನ್ನು ಕಂಡು ಇಬ್ಬರ ಮನೆಯವರೂ,
ಇವರನ್ನು ಒಂದೇ ಮನೆಯ ಅಣ್ಣ ತಮ್ಮರಿಗೆ ಕ…

​ಮದುವೆಯಾಗಿ ಕಳೆದ ಎರಡು ಮಳೆಗಾಲ

'ಮನೆಯಿಂದ ದೊಡ್ಡೋರ್ ಯಾರೂ ಬರ್ಲಿಲ್ವಾ' ಅಂತ ಅನುಮಾನದಿಂದಲೇ ಆಹ್ವಾನ ನೀಡುತ್ತಾ ಹುಡುಗಿಯ ಚಿಕ್ಕಪ್ಪ!! ಪಂಜೆ ಮೇಲೆತ್ತಿ ಕಟ್ಟಿಕೊಂಡರು.

ಒಬ್ಬನೇ, ನನ್ನ ಕಜಿನ್ ಬ್ರದರ್ ಶ್ರೀಧರನ ಜೊತೆಗೆ ಮದುವೆಗೆಂದು ಹೆಣ್ಣು ನೋಡುವ ಶಾಸ್ತ್ರಕ್ಕೆ ಬಂದಿದ್ದೆ. ಮೊಟ್ಟ ಮೊದಲ ಅನುಭವ!! ದೊಡ್ಡವರು ಜೊತೆಯಲ್ಲಿ ಬರದಿದ್ದುದಕ್ಕೂ ಕಾರಣವಿತ್ತು. ಮನೆಮಂದಿಯೆಲ್ಲರೂ ಹುಡ್ಗಿ ನೋಡ ಹೋಗಿ, ಸಡಗರದ ರೀತಿ ಮಾಡಿ.. ಬೇಡ ಅನ್ನೋಕೆ ಆಗದಷ್ಟು ಇಕ್ಕಟ್ಟಿಗೆ ಸಿಗಿಸಿಬಿಟ್ಟರೆ ಅನ್ನೋ ಅಂಜಿಕೆ ಮತ್ತು ಸಂಕೋಚ.

ಬಲೆ ಬಲೆ ಅಂಬ್ರೆಲಾದಂತ ಹಳದಿ ಬಣ್ಣದ ಚೂಡಿ ಹಾಕಿದ್ದ ಭಲೆ ಭಲೆ ಹುಡುಗಿಯ ಆಗಮನ.
ಸಾಕಷ್ಟು ಬಿಸ್ಕತ್ತು ತುಂಬಿದ್ದ ತಟ್ಟೆಯನ್ನು ತಂದು, ಮುಂದೆ ಬಡಿದು ಹೋದಳು. ನಾನು ನನ್ನ ಕಜಿನ್ ಎರಡು ಬಿಸ್ಕತ್ತು ಎತ್ತಿಕೊಂಡೆವು. ಮನೆಯೊಳಗೆ ಸಾಕು ನಾಯಿಯೊಂದು ಬಂತು.

'ಸೋನು ಇಲ್ ಬಾ.. ' ಅಂತ ಹತ್ತಿರ ಕರೆದು, ತಟ್ಟೆಯಲ್ಲಿದ್ದ ನಮ್ಮ ಪಾಲಿನ ಬಿಸ್ಕತ್ತುಗಳಲ್ಲಿ ಎರಡನ್ನು ಆ ನಾಯಿಗೂ ಹಾಕಲಾಯಿತು. ಶ್ರೀಧರ-ನಾನೂ, ಮುಖ-ಮುಖ ನೋಡಿಕೊಂಡೆವು.

ಹುಡುಗಿಯ ಅಕ್ಕನ ಮದುವೆ ಆಲ್ಬಂ ಒಂದನ್ನು ತಂದು ಕೈಗಿಟ್ಟು!! ಪುಟ ತಿರುಗಿಸಿದಂತೆಯೂ ...
'ಹಾ.. ಇವಳೇ ಹುಡುಗಿ,ಇವಳೇ ಹುಡುಗಿ '
ಅಂತ ಯುಗಾದಿ ಚಂದ್ರನ ತರಹ ತೋರಿಸ್ತಿದ್ರು.

' ಮನೆಯಿಂದ ದೊಡ್ಡೋರು ಯಾರು ಬರ್ಲಿಲ್ವಾ .. ' ಅಂತ ಪದೆಪದೆ ಕೇಳುತ್ತಲೇ ಇದ್ದರು.

' ಲೋ!! ಇವ್ರು ಆಲ್ಬಂ ಕೊ…

short write ups

ಚಕ್ಲಿಹೊಳೆ ನೋಡೋದಕ್ಕೆ ಅಂತ ಹೊರಟಿದ್ದೆ. ರಾಮು ' ತಾನು ದೇವಸ್ಥಾನಕ್ಕೆ ಹೋಗಬೇಕಾಗಿಯೂ,
ಅಲ್ಲಿವರೆಗೂ ಡ್ರಾಪ್ ಕೊಟ್ಟು ಹೋಗುವಂತೆಯೂ ' ಕೇಳಿದ. 'ಸರಿ ನಡೆಯಪ್ಪಾ ' ಅಂದೆ.

'ಬರೋದು ಬಂದಿದ್ದೀಯ. ಪೂಜೆ ಟೈಮು,ಒಳಕ್ ಬಂದು ಹೋಗು' ಅಂದ. ಉದ್ದದ ಸಾಲುಗಳಲ್ಲಿ ನಿಂತು
ಕಾಯುವುದಾದರೆ ಹೊರಗಿಂದಲೇ ಉದ್ದಂಡ ನಮಸ್ಕಾರ ಮಾಡಿ ಹೊರಟು ಬಿಡುತ್ತಿದ್ದೆ. ದೇವರು ಕೂಡ,
ಫ್ರೀ ಆಗಿ ಇದ್ದಿದ್ದರಿಂದ ನನ್ನದೇನು ಅಭ್ಯಂತರ ಇರಲಿಲ್ಲ.

ಅದು ಗಣಪತಿ ದೇವಸ್ಥಾನ. ಒಂದು ದಿನದ ಹಿಂದೆಯಷ್ಟೇ ಮದುವೆಯಾಗಿದ ರಾಮುವಿನ ಸ್ನೇಹಿತನಿಗೆ,
ಅಂದ್ರೆ ನವ ದಂಪತಿಗಳಿಗೆ 'ಶ್ರೀ ಸತ್ಯನಾರಾಯಣ' ಕಥೆ ಹೇಳುತ್ತಿದ್ದರು. ಸಾಕಷ್ಟು ಭಕ್ತ
ಸಮೂಹ ಭಕ್ತಿರಸದಲ್ಲಿ ಮುಳುಗಿದ್ದರು. ದೇವರಿಗೆ ನಮಸ್ಕಾರ ಮಾಡಿ, ತೀರ್ಥ ಕುಡಿದು ಮೂರು
ಸುತ್ತು ಹಾಕಿ ಹೊರಡಲು ಅನುವಾದೆ.

ರಾಮು - 'ಕಥೆಯ ಕೊನೆಯ ಭಾಗದಲ್ಲಿದೀವಿ, ಅನ್ಸತ್ತೆ. ಸ್ವಲ್ಪ ಹೊತ್ತು; ಕೂತು; ಕೇಳಿ
ಪ್ರಸಾದ ತಗೋಂಡು ಹೊಗಿವಂತೆ. ನಾನು ನಿನಗೆ ಸಂಜೆ-ಮೇಲೆ ಸಿಗ್ತೇನೆ' ಅಂದ. ಕಥೆ ಮುಗಿದ
ಮೇಲೆ ಪ್ರಸಾದ ರೂಪದಲ್ಲಿ ಕೊಡುವ ರವೆ ಉಂಡೆಯಂತದ್ದು ಅಲ್ಲೇ ಇತ್ತು. ಅದನ್ನು ನೋಡಿದ
ಮೇಲೆ ಹೋಗುವ ಮನಸ್ಸಾಗಲಿಲ್ಲ. ನಮ್ಮ ಮನೆಗಳಲ್ಲೂ ವೆರೈಟಿಯಾಗಿ ರವೆ ಉಂಡೆ ಮಾಡುವರು.
ಆದರೆ ದೇವಸ್ಥಾನಗಳಲ್ಲಿ ಕೊಡುವ ಪ್ರಸಾದದ ರುಚಿಯೇ ಬೇರೆ. ಮೈಸೂರಿನಲ್ಲಿದ್ದಾಗ ನಮ್ಮ
ರೂಮಿನ ಬಳಿ ಇದ್ದ ಗಣಪತಿ ದೇವಸ್ಥಾನದಲ್ಲಿ ಸಂಕಷ್ಟಮಿ ಬರೋದ…

ಒ೦ದು ಪ್ರೀತಿಯ ಕಥೆ

“ ಅಮ್ಮಾ!! ಅವಳ ಹುಟ್ಟುಹಬ್ಬಕ್ಕಾದರೆ ಪಾಯಸ ಮಾಡ್ತೀಯ. ಆದರೆ ಪ್ರತಿ ಸಾರಿ ನನ್ನ
ಹುಟ್ಟುಹಬ್ಬಕ್ಕಾದರೆ ಯಾಕಮ್ಮಾ… ? ಏನೂ ಮಾಡಲ್ಲ. ?. ನೋಡು!! ಈ ಸಾರಿ ನನ್ನ
ಹುಟ್ಟುಹಬ್ಬಕ್ಕೆ ಹೋಳಿಗೆ-ಊಟ ಮಾಡ್ಬೇಕು. ತಿಳೀತಾ. !!”.

“ ಸಾರಿ!! ಕಂದ. ತಪ್ಪಾಯ್ತು. ನಿನ್ನಾಣೆ ಮರೆಯೊಲ್ಲ. ಈ ಬಾರಿ ನಿನ್ನ ಹುಟ್ಟುಹಬ್ಬದ ದಿನ
ಹೋಳಿಗೆ ಊಟ ಮಾಡೋಣ, ಸರೀನಾ. ಅಡಿಕೆ ಕೊಯ್ಲು ಇರೋ ಟೈಮಲ್ಲೇ ನಿನ್ನ ಹುಟ್ಟುಹಬ್ಬ
ಬರುತ್ತಲ್ಲೋ ಮಗನೆ. ನಮ್ಮ ಕೆಲಸಗಳ ಮಧ್ಯೆ ಅದು ಬಂದದ್ದೂ; ಹೋದದ್ದು ಗೊತ್ತ್ ಇಲ್ಲ.
ಆದ್ರೆ ಈ ಸಾರಿ ಎಷ್ಟೇ. ಕಷ್ಟ ಆದರು. ಹೋಳಿಗೆ ಊಟ ಮಾಡೊಣ. ”

‘ ಆಯ್ತಮ್ಮಾ. ಸರಿ!! ’ ಎಂದನು ಚಿರಂಜೀವಿ. ಹುಟ್ಟುಹಬ್ಬಕ್ಕೆ ಹೋಳಿಗೆ ಅಡಿಗೆ ಮಾಡಬಾರದು
ಅಂತಲ್ಲ. ಆದರೆ ಹುಟ್ಟಿದ ದಿನವನ್ನು ಆಚರಿಸಿಕೊಳ್ಳುವಂತಹ ನಾಜೂಕು ಜೀವನ ಪದ್ಧತಿಯನ್ನು
ಅವರು ರೂಢಿಸಿಕೊಂಡಿರಲಿಲ್ಲ.

October 7, 2010 ‘ ಹೋಳಿಗೆ ಬೇಕು ಅಂದಿದ್ದ ಮಗು, ಇಷ್ಟು ಹೊತ್ತಾದರು ಊಟಕ್ಕೆ
ಯಾಕೆ ಬರಲಿಲ್ಲ.’ ಅಮ್ಮ ಹೋಳಿಗೆ ಅಡುಗೆ ಮಾಡಿಟ್ಟು ಮಗನ ಬರುವಿಗೆ ಕಾಯುತ್ತಾ,
ಗೊಣಗುತ್ತಾ ಕುಳಿತಿದ್ದಾಳೆ. ರಾತ್ರಿ ಹೊತ್ತು ಗೆಳೆಯರ ಮನೆಗೆ ಹೋಗಿ, ಹರಟುತ್ತಾ
ಕೂರುವುದು ಅವನ ಅಭ್ಯಾಸ. ಬಾಗಿಲ ಕಡೆಗೆ ನೋಡುತ್ತಾ “ ಪಾಪ ಮಗು!! ಹಗಲೆಲ್ಲಾ ಮನೇಲಿ,
ಒಬ್ಬನೇ ಕೂತು ಸಾಕಾಗಿರುತ್ತೆ. ಆಸರ-ಬೇಸರ ಕಳೆಯಲು ರಾತ್ರಿ ಹೊತ್ತು, ಒಂದಿಷ್ಟು
ಮಾತಾಡಿಕೊಂಡು ಬರುತ್ತೆ. ಸ್ಕೂಲಿಗೆ ಹೋಗುವ ಹುಡುಗರು ರಾತ್ರಿ ಹೊತ್ತು ಬಿಟ್…

​ಶಿವಮೊಗ್ಗ ಸುತ್ತಮುತ್ತ ​ ( ದಿನ -1)

ರವಿ!! ರೂಪಿ!! ಮತ್ತು ನಾನು(ಚೇತನ್) ಚಳಿಗಾಲದ ಮಲೆನಾಡಿನ ಹಲ ತುಣುಕುಗಳ ಆಸ್ವಾದನೆಗೆಂದು ಹೊರಟವರು. ಮೂರು ದಿನಗಳ ಟ್ರಿಪ್ಪು. ಮಿಜಾಲ್ಟಿಗೆ ಬಂದಿರೋ ಗಂಡು ಮಕ್ಳದೆಲ್ಲಾ ಒಂದೇ ಸಮ ಮದ್ವೆಗಳು ನಡೆಯುತ್ತಿರುವುದರಿಂದ, ಟೆಂಪೋ ಟ್ರಾವೆಲ್ಸ್ ನಂಥ ಗಾಡಿಗಳಲ್ಲಿ ತಿರುಗುತ್ತಿದ್ದ ನಮ್ಮ ದೊಡ್ಡ ಗುಂಪು, ವ್ಯಾಗನಾರ್ ಗೂ ಸಾಕೆನಿಸುತ್ತಲಿದೆ.
ಪ್ರವಾಸದ ಸ್ಟಾರ್ಟಿಂಗ್ ಪಾಯಿಂಟ್ ಹೊನ್ನವಿಲೆ. ಅಂದರೆ ನನ್ನೂರು.  ಬಂದಿದ್ದ ಗೆಳೆಯರ ಅತಿಥಿ ಸತ್ಕಾರ ಮಾಡಿ, ಬೇಗಬೇಗ ಕಾರು ಹತ್ತಿಸುವ ಅನಿವಾರ್ಯತೆ ಇತ್ತು. ಯಾಕಂದ್ರೆ ಎಲ್ಲರ ಮದುವೆ ಮಾಡಿಸಿಯೇ ತೀರಬೇಕೆಂದು ಹಠ ತೊಟ್ಟಿರುವ ನಾವುಗಳು, ಪ್ರತಿ ಬಾರಿ ಒಬ್ಬೊಬ್ಬರ ಮನೆಗೆ ಹೋದಾಗಲೂ.. ಮದುವೆಯ ಬಗೆಗಿನ ಸಕಾರಣಗಳನ್ನು ವಿವರಿಸಿ ಪೋಷಕರ ಬ್ರೇನ್ ವಾಷ್ ಮಾಡುವ ಯಾನೆ ಫಿಟಿಂಗ್ ಇಟ್ಟು ಬರುವ ಕೆಲಸಗಳನ್ನು ಸಾಂಘಿಕವಾಗಿ ನಡೆಸುತ್ತಲಿದ್ದೆವು. ಈ ಬಾರಿ ಬಲಿ ಕಾ ಬಕ್ರ ನಾನು.

ಸಕ್ರೆಬೈಲು!! ಪಸ್ಟು ವಿಸಿಟ್ ಕೊಟ್ಟ ಸ್ಥಳ ಸಕ್ರೆಬೈಲು.  ಸಕ್ರೆಬೈಲಿನಲ್ಲಿ ಆನೆ ಬಿಡಾರವಿದೆ. ಆನೆ ಸವಾರಿ, ಆನೆ ಸೆಲ್ಫಿ, ಸೊಂಡಿಲು ಆಶೀರ್ವಾದ ಎಲ್ಲವೂ ಇದೆ. ರಜಾ ದಿನವಾದ್ದರಿಂದ ಆನೆಗಳನ್ನ ನೋಡೋದಕ್ಕೆ ತುಂಬಾ ಜನ ಮುತ್ತಿಕೊಂಡಿದ್ದರು. ಒಂದೊಂದು ಸೊಂಡಿಲ ಆಶಿರ್ವಾದಕ್ಕೂ ಹತ್ತು ರೂಪಾಯಿ ನೋಟು ಸೊಂಡಿಲ ಸಂದಿಗೆ ಸೇರಿಸುತ್ತಿದ್ದುದು ನೋಡಲು ಮಜವಾಗಿತ್ತು. ನಾವು, ಸೊಂಡಿಲಿನ ಏಟಿಗೂ, ಕೋರೆ ಹಲ್ಲಿನ ಸ್ಪರ್ಶಕ್ಕಾಗಿಯೂ …

ಕಾರು, ದೇವರು ಮತ್ತು ಕಲ್ಪವೃಕ್ಷ

ಸೆಕೆಂಡ್ ಹ್ಯಾಂಡ್ ಕಾರು ಕೊಡಿಸಿದ್ದೂ ಅಲ್ಲದೆ, ಆ ಕಾರನ್ನು ಮನೆವರೆಗೂ ತಂದು ಬಿಟ್ಟು ಹೋಗುವ ಕರ್ಮವು 'ಕರುಣ' ನ ತಲೆಗೇ ಅಂಟಿಕೊಂಡಿತು. ಕಾರು ಬೇಕು ಅಂತ ಅಂದುಕೊಂಡಾಗಲೇ ಡ್ರೈವಿಂಗ್ ಕಲಿಯಲು ಸೇರಿಕೊಳ್ಳಬೇಕೆಂಬುದು ಅವನ ವಾದ. ಆದರೆ ಕೂಸು ಹುಟ್ಟದೇ ಕುಲಾವಿ ಹೊಲಿಸೋದು ಬೇಡ ಎಂಬುದು ನನ್ನ ಮನಸ್ಥಿತಿ. ಅಂತೂ ಬೈದುಕೊಳ್ಳುತ್ತಲೇ ಮನೆವರೆಗೂ ಕಾರು ಓಡಿಸಿಕೊಂಡು ಬಂದ.


ಅಮ್ಮ; ಕಾರಿಗೆ ಭರ್ಜರಿಯಾಗಿಯೇ ಪೂಜೆ ಮಾಡಲು ಅನುವಾದಳು. ಅಪ್ಪನಂತು, ‘ ಎಷ್ಟು ಕೊಡಬೋದು ಹೇಳಿ ಕಾರಿಗೆ..? ’ ಅಂತ ಪೂಜೆಗೆ ನಿಂತಿದ್ದ ಊರಿನ ಸಹ ವರ್ತಿಗಳಿಗೆ ಕೇಳಿ; ಕೇಳಿ; ಹೆಮ್ಮೆಯಿಂದ ಬೀಗುತ್ತಿದ್ದರು. ಅದು ಅಭಿಮಾನಕ್ಕೂ ಹೆಚ್ಚಾಗಿ; ತನ್ನ ಮಗ ಮೋಸ ಹೋಗದೇ ವ್ಯವಹಾರವೊಂದನ್ನು ಕುದುರಿಸಿಕೊಂಡು ಕಾರು ತಂದಿದ್ದಾನೆಂಬುದನ್ನು ಪದೆಪದೆ ಕ್ರಾಸ್ ಚೆಕ್ ಮಾಡಿಕೊಳ್ಳುತ್ತಿದ್ದ ರೀತಿ. ಮಧ್ಯಮ ವರ್ಗದ ಪುಟ್ಟ ಪುಟ್ಟ ಸಂಭ್ರಮಗಳನ್ನು ಮರೆಸುವಂತೆ ಆವರಿಸಿಕೊಳ್ಳುವುದು ಅವರ ಅತಿಯಾದ ವ್ಯವಹಾರ ಜ್ನಾನ ಎನಿಸುತ್ತದೆ.


ಕಾರಿನ ಸಂಪೂರ್ಣ ಚೌಕಾಸಿ-ಡೀಲ್ ಅನ್ನು ಕರುಣನ ತಲೆಗೆ ಕಟ್ಟಿ ನಾ ನೆಮ್ಮದಿಯಿಂದಿದ್ದೆ. ಪೂಜೆ ಸಾಂಗವಾಗಿ ನಡೀತಲಿತ್ತು. ಅತ್ತ ಕಡೆ ಕಾರಿನ ಗುಣಗಾನ ಮತ್ತು ಅವಗುಣಗಾನದ ಕೆಲವು ಮಂತ್ರಗಳೂ ಕೇಳಿಸುತ್ತಿದ್ದವು.


ಹೇ!! ಪೆಟ್ರೋಲ್ ಕಾರಾ… ರೀಸೇಲ್ ವ್ಯಾಲ್ಯೂ ಕಮ್ಮಿ. ಯಾರ್ ತಗೋತಾರೆ.?


ಜಾಸ್ತಿ ಆಯ್ತೇನೋ, ಮಾಡೆಲ್ ಸ್ವಲ್ಪ ಹಳೇದು


ಎಷ್ಟ್ ಓಡಿದೆ..? ಟೈರ್ ಹೊಸಾವ. ಸ್ಟ…

ಒಂದು ಅಪಘಾತದ ಸುತ್ತ

ಇಂಜಿನಿಯರಿಂಗ್ ಅಂತಿಮ ವರ್ಷ. ಶೈಲು, ರವಿ ಹೊರತಾಗಿ ನಮ್ಮಲ್ಲಿ( ಗುಂಪಿನ ಹೆಸರು ಬಿ ಬಿ ಹುಡುಗರು) ಉಳಿದೋರಿಗೆಲ್ಲಾ ಕೆಲಸ ಸಿಕ್ಕಿತ್ತು. ಶೈಲುಗೆ, ಸಿಗಲ್ಲ ಅನ್ನೋದು ಕನ್ಫರ್ಮ್ ಆಗಿ ಗೊತ್ತಿತ್ತು. ಸೋ ಅದರ ಬಗ್ಗೆ ವಿಷಾಧ ಇರಲಿಲ್ಲ. ಇನ್ನು ರವಿ:

ಒಂದು ಕೆಲಸದ ಅವಶ್ಯಕತೆ, ಎಲ್ಲರಿಗಿಂತಲು ಅವನಿಗೆ ಜಾಸ್ತಿ ಇತ್ತು. ಆ ಅವಶ್ಯಕತೆ ಅವನಿಗೆ ಮಾತ್ರ ಅಲ್ಲ, ಖುಷ್ ಖುಷಿಯಾಗಿದ್ದ ನಮ್ಮೆಲ್ಲರಿಗೂ ಇತ್ತು. ಸುಮಾರು ಕಂಪನಿಗಳಿಗೆ ಎಡತಾಕಿದರೂ, ಒಂದಕ್ಕೂ ಆಯ್ಕೆ ಆಗಲಿಲ್ಲ. ಅಭಿ, ಜೋಬಿ, ಶೇಕ್ ನಂತ ಗಮಾಡ್ ಗಳಿಗೇ ದೊಡ್ಡ ದೊಡ್ಡ ಕಂಪನಿಗಳಲ್ಲಿ ಕೆಲಸ ಸಿಕ್ಕಿರೋವಾಗ, ಧೈತ್ಯ ಪ್ರತಿಭೆ ‘ರವಿ’ ಗೆಕೆಲಸ ಸಿಗದೇ ಇದ್ದದ್ದು, ನಮಗೆಲ್ಲಾ ಖೇದಕರ ಅನ್ನಿಸುತ್ತಿತ್ತು.

ರವಿಗೆ ಕೆಲಸ ಸಿಗದೇ ಇದ್ದದ್ದಕ್ಕೆ, ಕಾರಣಗಳೂ ಇದ್ದವು. ಲಕ್ ಇರಲಿಲ್ಲ, ಇಂಗ್ಲೀಷ್ ಸಮಸ್ಯೆ. ಕೋಡಿಂಗ್ ಬಗ್ಗೆ ಆಸಕ್ತಿ ಇಲ್ಲದೇ ಇರೋದು. ಆದರೂ ಜೀವನೋಪಾಯಕ್ಕೆ ಒಂದು ಕೆಲಸದ ಅನಿವಾರ್ಯತೆ ಇತ್ತು. ಪ್ರತಿ ಕಂಪನಿ ಮಿಸ್ ಆದಾಗಲೂ. ‘ ನಿನಗೋಸ್ಕರ ಯಾವುದೋ ದೊಡ್ಡದು, ಕಾಯ್ತಾ ಇರಬೇಕು ಬಿಡು, ಮಗ ’ ಅಂತ ನಾವು, ಸಮಾಧಾನ ಮಾಡೋದಕ್ಕೆ ಹೋದರೆ, ‘ನನಗೆ, ನನ್ನ ಬಗ್ಗೆ ಬೇಜಾರಿಲ್ಲ ಮಗ. ಆದರೆ ಒಂದು ಒಳ್ಳೆ ಕಂಪನಿ, ಗ್ಲೋಬಲ್ ಟಾಪ್ ಟೆನ್ ಒಳಗೆ ಬರೋದನ್ನ, ಜಸ್ಟು ಮಿಸ್ ಮಾಡಿಕೊಂಡು ಬಿಡ್ತು. ‘ಎನ್ನುವನು. ‘ಎಲಾ ಬಡ್ಡಿಮಗನೆ ’ ಅಂದುಕೊಂಡುಸುಮ್ಮನಾಗುತ್ತಿದ್ದೆವು.

ಇಂತಹ ಸಂದಿಗ್ಧ, ಸುಸಂದರ್ಭದಲ್ಲಿ ಬಿ ಇ …